9×11 Internationale Jubiläumsitzung

 
Op vriêdig 21 fibberwarie 2025 begintj de Internationale Jubiläumssitzung in 't Franciscushoês. Det zâl gebuuëre mét 'ne knallendje oeëpeningsshow um 20:00 oor

As pebliek zitdje aan lang taofels met groeëte pulle beer en d'r és volop dâns en meziek, mét ânger wuuërd: gae zeetj aanwieëzig beej 'n echte Duitse Sitzung.

Dieës fieëstelike zitting benaodröktj 't 9x11-jaorig bestaon van Stadsvastelaovendjvereîniging De Rogstaekers en stieët taeves in 't teîken van 't feit, det Wieërt doeër de Närrische Europäische Gemeinschaft és uutgeroope tot 'Närrische cultuurstad 2024'.

Gae kuntj optraejes verwachte van o.a. Beppie Kraft, Marjolein Heijltjes en de spectaculaire Kölnische dânsgroep die Höppemötzjer.

Mer ouch van diverse Wieërter Vastelaovendjartieste en kepelle, zoeë wi-j dao zeen:
de Vâlse Loef, de Kompeni-j, Vae Saame, Hermeni-j Vannix, Gootgemootj, Laurens Vossen, Patrick Hendrikx, Deindânger, de Köpkes, de Broeëds Brothers, de Boys vanne Wertha, de Herrieschöppers, Um te Bäöke, Mark & Wilhelmien, Mark Gruijthuijsen, Stefan Wolter en Lin & Ton Wolter.

De entreepriês és € 7,50 p.p.

(Of heurtj vör maximaal 10 persoeëne 'n taofel inclusief hèpkes, drânk en bedeêning, dus all-in vör € 750,-)