Installatie en Receptie Rogstaekerspreense

Extra info:


Dieës evenemênte gaon in ‘t sezoen
2020-2021

NEET   DOEËR!

 

De installatie van oeës Preense és op zoondig 16 fibberwarie en begintj um 11:00 oor. In ‘t Stadhoês aane Wilhelminasîngel zeen alle vastelaovendjveerders welkom. Oeës Preense kriêge dao de sluuëtels van de stad Wieërt oeëverhandigdj.

Zoeëwat aansloêtendj zeen zöster- en ânger vereîniginge en alle vastelaovendjveerders van herte welkom inne Poort van Limburg aan de Werthaboulevard.  Want vanaaf 13:30 oor gieët dao de groeëte receptie van start, woeë edereîn oeës Preense kân kaome fillisitieëre.


Op zoondig 16 fibberwarie 2020 woeërte oeës Preense geïnstallieërdj in 't stadhoês aane Wilhelminasingel. Vuuëraafgegânge doeër Huppelpupkes, Jeugdraod en de volledige Rogstaekersvereîniging koeëme de Hoeëghede van de groeëte trap aaf. Ze waerdje dao opgewachtj doeër veer wethaojers, di-j dao -verklédj as lede vanne Lambieck Knoup- klaor stónge um de stom streek van de Preense uut hun verlieëje 's duchtig aan te pakke. Wiêtendje, det ze effe later net zoeë haard trökgepaktj zoeëje waere. Hoeëgtepûnt waas neteurlik 't uutreike van de sluuëtels, woeëmej Tim I en Rens I tot aan de abdicatie de macht in 't stadhoês en daomej in Wieërt oeëverneme.

Daonao trok 't hieël gezelschap nao een sfeervol ingerichtdje Poort van Limburg vör de receptie, woeë hieël wat vereîniginge, gruuëpkes en Einzelgänger de Preense koeëme fillisitieëre met eur tiêdelikke macht. En det gebuuërdje neteurlik mét de noeëdige prezêntjes vör de Hoeëghede. Rens hieët vör 'n jaor of tieën (verschillendje) zök zat en Tim kân, mét al dae gekriêge drânk, nao gèster nog altiêd 'n kefee beginne, as hae van baan zou wille wissele. Doeër de inzet van völ vreejwilligers en ouch doeër de Aod Preense Club, di-j bekans voltallig as barpersonieël fungieërdje, lieëp alles op rölkes en kos ederein trökkieke op 'n zieër geslaagdje receptie.

Hoêsfotograaf Adrie Hendriks hieët de noeëdige opnames gemaaktj. Di-j kujje zeen in dieës twieë albums:

Kiektj ouch us beej:

11 april 2021

V.V. de Rogstaekers deut mej aan de Regio Loterij Weert

Rogstaekers doon mej mét Regio Loterij

Lees meer

17 februari 2021

“Gy lompe Weertenaers weet gewis, dat dit heden was mynen vis”. Mét di-j wuuërd eindigtj de Rogstaekerslegende, woeë-aan de Wieërtenare eure beejnaam te dânke hebbe. Det de rog en Wieërt onlosmakelik mét elkaar zeen verbônge…

Ludieke sponsoractie van Sligro Wieërt

Lees meer

23 december 2020

Gruuëts prizzentieëre vae uch, in samewêrking met De Meijboom Kleding en kado atelier, oeës merchandisecollectie.   D’r zeen allerli-j artikele, wi-j slabbertjes en T-shirts, mer ouch raamstickers en zelfs môndkepkes mét ‘t logo van ‘t…

Wînkelwaar (merchandise)

Lees meer
Mieër noets