Koppe bawwe

Wannieër:Op de woonsdige 17, 24 en 31 jannewarie en 7 fibberwarie 2018
Wi-j laat:Van 14:00 wis 16:00 oor
Woeë ésj te doon:Inne Rogstaekershal aane Stekshofwieëg
Waat kosj 't:Nada, noppes
Extra info:

Mer gae motj uch waal oppe tiêd aanmelle, want: Vôl és vôl!

Koppe bawwe

Wildjae ouch 'ne schoeëne Vastelaovendjkop bawwe en mejdoon inne wichteroptocht van V.V. de Rogstaekers?

Ouch in ‘t kaomendj vastelaovendjseizoên és d’r weer de muuëgelikheid vör de wichter vanne basisschoeële uut Wieërt um ‘ne vastelaovendjkop te make. Mét eur eîge schoeën kreasie dooje mej mét de Wichteroptocht en meschien gaoje dae Kleine Gouwe Rog winne.
Oeës plek-, tummer- en verfteam, stieët ouch dieëze kieër weer klaor um te assistieëre.

De wichter zeen van herte welkom in oeës Rogstaekershal um ideeje op te doon, te tummere, plekke, vêrve of waat dan ouch.

De daage det dur gebawdj weurtj, waere nog bekindj gemaaktj, mer 't és eeders kieër op 'ne woonsdig te doon  vanaaf 14:00 oor wis roontelum 16:00 oor.

Vör materiaol, ’n drênkske en snuîk zulle vae zörge. Aangezeen vae mer e bepêrktj aantal plaatse hebbe, mojje d’r oppe tiêd beej zeen en uch vuuëraaf opgaeve mét naam, adresgegaeves en tillefoonnummer beej:  sikretaris-optochtkemissie@vvderogstaekers.nl

Gaer wille vae aan eur mam of pap vraoge um mét te kaome hêlpe eur kreasie te make.

De Rogstaekershal ligktj aanne Stekshofwieëg (achter de vreuger milieustraot). Vae zeen uch gaer trök mét eur eîge gemaakdje kreasie inne Wichteroptocht. Inschriêfformeliere vör de Wichteroptocht krieje uutgereiktj tiêdus ut koppe bawwe en di-j kujje dan ‘n waek later inlevere .

Mieër foto's: FOTOALBUM-2017

Kiektj ouch us beej

4 november 2018

Zoondig 4 november és ‘t nummer ‘Vleegmesjien’  van Nick van Ham gekoeëze tot ‘t Wieërter Vastelaovenjlidje vör 2019. Det gebuuërdje tiedes de ieërste edite van ‘t WVLF in Theatercafé De Huiskamer. Van ‘t nummer op…

Nick van Ham wintj 1e WVLF

Lees meer

12 oktober 2018

Op zoondig 11 november weurtj ‘t Wieërter vastelaovendjsezoen geoeëpendj met ‘Vorst oppe Troeën’. Tiedes dieës zitting in ‘t Munttheater weurtj oeëze nowwe Kanseleer Jasper Heesakkers geïnstallieërdj. Nao de installatie vuuërig jaor van Vorst Stan és…

Jasper Heesakkers nowwe Kanseleer

Lees meer

26 augustus 2018

’t És nog waal wiêt e wègk, mèr det guftj uch de tiêd um lekker lang nao te dînke oeëver weem de Preens en Jeugdpreens zoeëje kunne gaon waere. Det raoje gebuuërtj al eder jaor…

Preens raoje

Lees meer
Mieër noets