Oeës Preense van 2018

Nao aafloup vanne Gala Boonte Aovendj op zaoterdig 13 jannewarie és de 31-jaorige Phil Aspers doeër Vorst Stan geïnstallieërdj as Preens Phil I vanne Rogstaekers .
Phil, vör völ minse bekindj as lid van de Wieërter fieëstband Moerepetazie, zal d'r in dit super korte sezoen alles aan doon um di-j veer waeke onvergaetelik te make. Same met zien vriendin Nicole en zien adjudântegevolg gieët hae met völ meziek d'r tieëgenaan. Ziên ongerscheiding és:


de "Orde van 't Vastelaovendjlidje".


Op zoondig 14 jannewari és de 11-jaorige Sep Geelen uutgeroôpe tot Rogstaekers Jeugdpreens 2018.
Sep woeëntj met papa John, mama Sandra en zösterke Emme op Laor en zitj oppe OBS Muuëlenakker in groep 8 van juf Kitty.
Hae és keeper beej de JO13 van SV Laor, mer hieët ouch nog 'ne houp ânger hobby's.
Piloeët waere zuuëtj Sep hieëlemaol zitte en daorum hieët hae 'n hieël passendje ongerscheiding ingesteldj:


de "Orde vanne Vleêgendje Kiep”.


2018.foto.02 Preens

't Devies van Phil I és:

AS DE MEZIEK BEGINTJ TE SPUUËLE EN DE GLAZE KLÎNKE,
GAON VAE D’R SAME EINE DRÎNKE!

2018.foto.01 Jeugdpreens

Same met zien kammeräöj gieët hae d'r 'ne knallendje vastelaovendj van make ónger zien devies:

STAPTJ IN EN VLEÊGTJ SAME MET OS,
DIEËS DAAG GAON VAE HIEËLEMAOL LOS!

Kiektj ouch us beej

29 november 2018

Op dieës pagina ‘n oeëverzicht van evenemênte, woeë dejje vör in kuntj schriêve of reservieëre. En ouch nog ânger zake, woeë dejje op kintj reagieëre.   Gae kintj nog kaartjes risservieëre en koupe vör de…

Reagieëre . . .

Lees meer

11 januari 2019

Hoi wichter, Gae zultj waal dînke: “Wannieër huuëre vae noow ‘s wat oeëver ‘t inschriêve vör oeëze eige Wichteroptocht. De groeëte minse kinne zich al vanaaf hâlf november aanmelde um mej te doon aan de…

Inschriêving Wichteroptocht 2019

Lees meer

10 januari 2019

Waat és uch altiêd beejgebliêve uut de tiêd dejje hetj mejgedoon aane Boonte Femiêlie Middigge en/of de Boonte Aovendje? In de aanluip nao ‘n now serie van nuuëge aovendje en twieë matinées vertellen artiesten oeëver…

‘t Momênt van . . . Marc

Lees meer
Mieër noets