Video’s 2020

Op dieës pagina un oeëverzicht van video's uut 't sezoen 2020

Ieëre Vorst Ton Peeters guftj de aanzet vör 't doeërgaeve van 't Vastelaovendjveur

Inne video steltj Kanseleer Jasper uch vuuër aan Nelleke Bongers, de ontwêrpster van 't pinke "Ich bin 'ne Rogstaeker®" vör 2021. Nelleke lutj uch 't pinke zeen en guftj tekst en uutlégk oeëver 't ontwêrp.

Kanseleer Jasper verteltj oeëver de aanpassinge van 't vastelaovendjprogram i.v.m. de maotregele van de oeëverheid

De winnendje wînkeliers van de wedstriêd De Schoeënste Etelaasj waerdje bezochtj doeër oeës Preense Tim I en Rens I en krieëge behâlve eure priês innegang ouch 'n óngerschei-jing uutgereiktj. De publiekswinnaars krieëge 't Rogstaekers®-pinke opgespeldj en ouch nog waat consumptie-köpkes inne hang gedowdj.

Eder jaor hieët de groeëte Preens 'n bezûndjer ontmoeting met emus. Dit jaor woeëre det Jules en Sebas van Aalst. De twieëling woeërt op 3 jannewarie van dit jaor geboeëre en és 'ne daag later al opgegaeve as "Ich bin 'ne Rogstaeker®". Rieëje vör Preens Tim I um 'ne Meet & Greet mét de twieëling en eur gelökkige aojers aaf te spraeke en ze innegang ouch mer effe te ongerschei-je in zien Orde van 't Vastelaovendjhert. Saluut!

Dit joar és vör de ieërste kieër de wedstriêd "De Schoeënste Etelaasj!" gehaoje, 'n samewêrking tösse VV de Rogstaekers, BIZ-O en Centrummanagement Weert um de straote in de aanluip nao de Vastelaovendj een gezelliger aanblik te gaeve. Messchien nog 'n bitje aarzelendj begîn, mer de reacties wiêze d'r noow al op, det d'r volgendj jaor waal 'n vervolg mót kaome. De jury o.l.v. Carin Rosbergen hieët beraodslaagdj en in heur îndjoeërdeîl de stumme van 't pebliek vör 50% mej laote telle. De winnaars beej 't publiek kriêge apaart bericht, mer in dieëze video maaktj Carin de motivatie én de uutslaag beej de winkeliers bekindj.

Op 't YouTube-kenaal van WeertFM kujje nog 's trökkieke nao de uutzending mét dao-in de uutroping van
Preens Tim I.

'ne Promo mét bieëldje vanne Boonte Aovendje van 2020. Kiektj dae Wieërtenaar toch!
['n Registratie van Special Events Productions (s-e-p)]

In dieëze video van Special Events Productions (s-e-p) kujje kieke nao de uutroping van Jeugdpreens Rens I tiêdus de Boonte Femiêlie Middig op zoondig 26 jannewarie.

Wethaojer Tessa Geelen kaltj oeëver eige ervaringe met de Boonte Femiêlie Middig en hoeëptj det ederein gieët kieke op zoondag 26 jannewarie of zaoterdig 1 fibberwarie in 't Munttheater. Kiektj dae Wieërtenaar toch!

Fragmênte uut de generale rippetitie van de Boonte Aovendje 2020: det wildje toch zieëker hieëlemaol zeen en mejmake. Kiektj dae Wieërtenaar toch!

Effe 'n vuuërstelrondje van B.O.V.A.G. tiêdus 'n rippetitie. Met de originieële geluidsbând d'r achter, dus hieëlemaol lipsynchroon és 't neet, mer det maaktj 't filmke neet minder leuk!

Wethaojer Geert Gabriëls 's 'ne trawwe bezeûker van de Wieërter Boonte Aovendje: "...'t és echter Wieërter knouwel en echt iets waat beej Wieërt huurtj...". Ouch nao de aovendje van 2020 kiektj hae wieër uut.

Naodet de BAB és opgehaoje mét de muzikale ongerstuuëning van de Boonte Aovendje és 't stèkske oeëvergenoeëme doeër BOVAG (Boont Ongeluifelik Vrieët Aovendj Gezelschap). Hieël towpasselik zeenge ze: "Mer vae gaon doeër".

Neteurlik wurtj d'r ouch drök gerippetieërdj vör de Boonte Femiêliemiddige van 26 jannewarie en 1 fibberwarie in 't Munttheater. De artieste hebbe d'r zin in, gae toch ouch zieëker!
Kiektj dae Wieërtenaar toch!

Oeës artieste zeen al maondje drök aan 't rippetieëre vör de Boonte Aovendje. De vuuërstellinge zeen van 24 jannewarie t/m 1 fibberwarie in 't Munttheater. Kiektj dae Wieërtenaar toch!

Linda Jacobs deut al 'n paar jaor mej aan de Koldergallereej en hieët dit jaor 't pinke vör "Ich bin 'ne Rogstaeker®" ontwörpe. Linda és heej mer al te gruuëts op en zow gaer zeen det edereîn met de vastelaovendj dit speldje hieët opgestoeëke. Daorum guftj 't ouch uutlègk, wi-j dejje dao aan kintj kaome.

As vader van Aod-Jeugdpreens Sem I (2015) wètj Paul Meevis waat de Boonte Femiêlididdige zeen, Mer ouch de Boonte aovendje hieët hae in zien hert gesloête.

 

Gwen en Damian laote uch zeen, dejje inne Rogstaekershal schoeën koppe kuntj bawwe.

In 2018 hieët Aod-Jeugdpreens Sep II (Geelen) de vastelaovendj van hieël dichtbeej mejgemaaktj. De Boonte Femiêliemiddige huuërdje dao vanzelfspraekendj ouch beej.

Celina en Jony, allebej lid van de Huppelpupkes, doon mej aan de Boonte Femiêliemiddige van de Rogstaekers, mer ze laote in dieëze video huuëre, det de rest ouch kej-sjiek és.

'ne Promo vör de Boonte Aovendje 2020 van de Rogstaekers met bieëldje uut de editie van 2019.
n Registratie van Special Events Productions (s-e-p).

Op 23 november és Jos Keersmaekers beneumdj tot Kammeräödje vör 2020. De beejbehuuërendje medalie wurtj hem uutgereiktj tiêdus de Boonte Aovendj van donderdig 30 jannewarie 2020 in 't Munttheater.