Wieërter hermeniekes blaoze met vastelaovendjdieënsdig nog mieër now laeve inne meziek. In diverse kefees make eders kieër twieë kepèlle sfeer, meziek en tamtam. De kepèlle wissele zich oongerling tösse de kefees aaf. Ze starte um 13:30 oor beej de Tramhalte en kaome al blaozendj doeër de straote roond 17:00 oor uut oppe Mêrrentj vör 'n grandioos îndj-spektakel. De volgendje kepèlle zeen in eder gevâl vanne perti-j: Gootgemootj, Hermeni-j Vannix, Hermeni-j De Kompeni-j, Vae Saame, Vâlse Loef, de Hei-j Bieësembîngers en Um te Bäöke.
In de tiêd det de hermeniekes roondtrékke hoofdjae uch neet te vervaele, want vanaaf 14:00 oor és d'r oppe Mêrrentj 'n artiestekérresjel, di-j wurtj aafgewisseldj mét 'n oeëpe podium vör edereîn, dae dînktj det hae waat kintj, det 't pebliek mót zeen of huuëre.
