De nummers “Vae veere zi-j aan zi-j”, “Lachtj” en “Ich weît van toête nog blaoze” vanne Rogstaekers [met hyperlink] staon ouch inne halve finale van ’t LVK. Schoeën hè, 3 Wieërter nummers inne halve finale en dit nao de 2e plaats in 2010 van Ronald & Carien Moonen.
Mer létj op; dieës 3 nummers kaome allein inne groeëte finale van ’t LVK as ze genog stumme kriêge. Det wêrktj as volgtj: D’r vînge 3 halve finales plaats te beloestere via L1. In De Limburger, Limburgs Dagblad en ’t Zondagsnieuws kaome roontelum dieës halve finales advertênsies mét stumbonne te staon.
Kiektj heejoonger welk Wieërter nummer op welke datum inne halve finale zitj en haodj de geneumdje gezétte tieëge daen tiêd good inne gate.
| Nr | Titel | Gezoonge doeër | Datum halve finale LVK |
| 1 | Lachtj | Franky Tuasuun | 15 jannewari |
| 2 | Vae veere zi-j aan zi-j | Ronald & Carien Moonen | 22 jannewari |
| 3 | Ich weît van toête nog blaoze | Ton Wolter | 29 jannewari |
