Rogstaekerspreens

Stadspreens 2019: Preens Frank II van de Rogstaekers

Op zaoterdig 2 fibberwarie jl. woôrt aan ‘t indj van ‘ne fantastische Gala Boonte Aovendj in ‘t Munttheater, doeër Vorst Stan van Stadsvastelaovendjvereîniging de Rogstaekers, de 75e Stadspreens van Wieërt uutgerope.

 

Frank van Dooren zâl de Wieërter vastelaovendj in 2019 vuuërgaon as

 

Z.D.H. Preens Frank II van de Rogstaekers

 

5×11 jaor gelieëje woôrt de nowwe Hoeëgheid as échte Rogstaeker geboeëre aane Koeëremêrrentj as zoeën van Jan van Dooren en Ploon Eestermans. Ziêne opa woor ‘meister Van Doeëre’ uute Schoeëlstraot. Nao înkel jaore verhoêzje ‘t hoêshaoje Van Dooren, met broor Pieter en zöster Marielou nao Kieëntj en allewiel woeëntj de Hoeëgheid aane Leenhof 25 op Luuëke.

 

Op 23-jaorige laeftiêd hieët Preens Frank II zien leef vraw Nic lieëre kinne, ‘n geboeëre Braobentjse woeëmej hae twieë prachtige zuuëns hieët gekrieëge: Luc en Yor. Schoeëndochters Rianne en Elle zörge vör nóg mieër gezelligheid in Hoêze Van Dooren.

Qwertyuiop-4

  Qwertyuiop-3 

 

Ongevieër 40 jaor gelieëje és beej de nówwe Stadspreens de leêfdje vör kieës ontstânge.

Daorum runtj hae al hieël wat jaore met passie en tówwi-jing ziêne kieëswînkel “Kaas & Ko” inne Muntpassage.  

De orde di-j Preens Frank II vanwieëge dieës passie hieët ingestéldj és  

deOrde van ’t Kieësplênkske”.

 

 

(Foto's: Flitzer!)

Neteurlik hieët hoêsfotograaf Adrie Hendriks de uutroping oppe gevuuëlige digitale plaat vastgelagdj.

En ouch van de aansloêtendje Nacht van de Preens zeen hieëel wat schoeën opnames gemaaktj.

PROCLAMATIE

Vae,

Preens Frank II, beej de gratie van Vorst Stan, de Raod van Elluf en de Rogstaekersvereîniging, Hieërser oeëver Wieërt van 2 fibberwarie wis 5 mieërt.

Zoeën van Jan van Dooren en Ploon Eestermans. Geboeëre naeve de Statterkêrk oppe Koeëremêrrentj, ‘ne gruuëtse inwoeëner van ’t stédje Wieërt, hérstikke verleêfdj op Nic , gruuëtse pap van twieë zuuëns Luc en Yor, opgegrúdj  op Kieëntj, dao ouch bekâns kräölke gewoeëre, bordjesdrager beej V.V. de Leppes, optochtdaelnemer met V.V. Alvast Twieë met ’t motto ”zwértkiêker beej de Boonte Aovendj”, óngernemer van Kieës en Ko en dan noow ouch hieërser van wînkelcentrum de Mûnt, gaon gaer met de kammeräöj nao konsérte en daonao ’n pötje beer drînke, vastelaovendjveerder in hért en neêre.

Doon te wiête dét:

  1. Vae hoeëpe det oeëze opper Opper-Opper-Rogstaeker, Börgemeister Jos Heymans met oeës installatie néét óngerkovver zâl zitte want dan wétje de wieëg dînk ich neet;
  2. Vae nao de sluuëteloeëverdracht uch allemaol oppe receptie wille zeen zoeëdet vae de tiêdelikke machtsoeëvername kunne veere met ’n gewéldjig fieëst;
  3. Vae uch allemaol uutbundig verklédj naeve de kânt wille zeen staon beej oeëze schoeëne Groeëte Rogstaekersoptocht;
  4. Vae vînge det ouch de wichter van Wieërt dit verdeêne, dejjae dus allemaol nao de Wichteroptocht mótj kaome kiêke;
  5. Vae hoeëpe dejje daomej eur wichter vuuërberédj op de Vastelaovendj vör de kaomendje 100 jaor;
  6. Vae hoeëpe det de steîn uut de toeëre gezónge waere beej ’t Fieëst oppe Mêrrentj;
  7. Vae beloeëve völ kieës nao de zösterkes te brînge vör good waer, in plaats van worst;
  8. Vae uch alle daag verwachte met völ gooj zin, lôl en plezeer en dit vôl haodj wis  asgoonsdig;
  9. Vae same met uch d’r ‘ne vastelaovendj van wille make met hieël völ kieës en ’n glaeske beer;
  10. Vae vînge dejje grösj gruuëts moôgtj zeen um as Rogstaeker te zeen geboeëre;
  11. Vae gruuëts zeen op Wieërt en de Wieërter vastelaovendj ónger mien devies:

 

VASTELAOVENDJ VÖR JOONK, AOD EN BELAEGE,
UM PLEZEER ZITTE VAE ZIEËKER NEET VERLAEGE.


Op vriêdig 8 fibberwarie woeërt 't preenselik gezelschap aan 't publiek vuuërgesteldj.
Heej staon ze alemaol op 'n ri-jke.
 
190109-PreenselikGezelschap-Frank_54
Oppe foto (vlnr): Chrit Cuijpers, Madelon Damen en Alphons Elias, Ceciel en Johan Beris, Annit Hulcher, Janny en Frank Stultiens, Evelien Grosfeld, Nicole Jansen, Pascal Grosfeld, Nic Lexmond en ZDH Frank II.



 
 
 '

 
Vriêdig 22 fibberwarie woeër de Philharmonie zuidnederland te gast in ‘t Munttheater in Wieërt vör de 6×11 jubileum-editie van de jaorlikse reeks Limburger Vastelaovendjconcerte. Oonger leiding van dirigênt Matti Cillissen bracht ‘t gezelschap völ klassiekers en de schoeënste Limburgse vastelaovendjmeziek ten gehuuëre. Preens Frank II woeër met zien adjedânte ouch aanwieëzig en mocht effe op de bok kaome staon.

‘t Mót gezagtj: hae deej zien best, mer vae zeen ‘m toch lever mét ‘n kieësmes in zien hâng dan mét de baton.

 

190222-PreensFrank-POZN_24.jpg

Tiêdes de installatie op zaoterdig 23 fibberwarie prissentieërdje 't bekans voltallige College van B&W zich anderkavver as Aad de Vos. Alleîn Wendy de Vos ontbroeëk, umdet di-j nog Chinese koeël mós zuuëver make. De preense móste vuuërdet ze de sluuëtel in ontvangst koste neme, nog de noeëdige pruuëve van bekwaomheid aaflègke, mér wi-j ze eindelik 't felbegieërdje teîken van eur machtsoeëvername in hâng haaje, woeërt B&W net zoeë haard trökgepaktj.

Opper-opper Rogstaeker börgemeîster Jos Heijmans beneumdje 't hieële gezelschap van V.V. Geîne Pôngel tot Rogstaeker van 't jaor vanwege eur inspanninge um te kaome tot 'n prinses-verkeezing. Det deej Geert Gabriels besloête zich te nominieëre vör dieëze bezûndjere titel.

Nao de installatie trok 't hieële gezelschap nao de Mêrrentj vör 'n fotomemênt op 't bordes van 't aod-aod stadhoês en 'ne klum inne toeëre van de St. Martinuskêrk, woeë beiaardier Frank Steijns same met Nick van Ham 't Vleegmesjien oeëver Wieërt lieët klînke.

 


2019-02-23-Installatie-282.jpg

 
190223-Balvan-PreensFrank_039En dan haadje daezelfdje aovendj ouch nog 't Bâl vanne Preens, woeë Ziene Hoeëgheid effe 'ne aovendj alleîn vör zichzelf en de minse in zien directe umgaeving hieët.
 
Ouch van dieëze aovendj hieët hoêsfotograaf Adrie weer de noeëdige memênte digitaal vastgelagdj.

2019-02-24Receptie-546

Op zoondig 24 fibberwarie woeërt de receptie gehaoje vör Preens Frank II en Jeugdpreens Stan I. Det gebuuërdje inne SooS oppe Mêrrentj. Ieërst koste genuuëdigdje de twieë hoeëghede ‘n hèndje schödde, mer vanaf 13:30 oor waas hieël Wieërt welkom beej dit festijn, woeë neet allein völ muulkes waerdje uutgedeîldj, mer woeë de preense ouch völ fillisitaties en kedootjes in ontvangst mochte neme. Hieël völ zöstervereîniginge goeëve acte de présence en zoeë wi-j det huuërtj, brachte di-j ouch eur eige meziekkepèl mej, zoeëdet d’r regelmaotig volop gezônge en gedânsj kost waere. En moszje effe wachte, det vong nemus êrg mét det zönke oppe Mêrrentj.

img-zijbalk-ichbin-s