Zoek
Sluit dit zoekvak.
Zoek
Sluit dit zoekvak.

Rogstaekers Lidjesfestival 2011

24-05-2011

‘t Startsignaal vör ‘t now vastelaovendjsezoên 2011/2012 és weer gegaeve.

As ieërste aktiepûnt kriêge ve de inzendinge en seleksie van ’t vastelaovendlidje 2012 as vuuërbereî-jing van ’t Rogstaekers Lidjesfestival.

Ronald en Carien Moonen, Winnaars 2010

Op zoondag 13 november waere d’r op ‘t Lidjesfestival maximaal 11 lidjes ten gehuuëre gebrachtj en live begelédj door de Copperband Moorland. Tekstdichters en componiste kunne eur lidjes tot en mét zaoterdag 11 juni a.s. insteure.

Uut alle inzendinge selectieërtj ‘ne deskundige jury maximaal 11 lidjes vör ‘t festival. Van dieës 11 lidjes waere de béste 4 oppe Rogstaekers CD 2012 gezatte. ‘t Lidje det de meiste pûnte kriegtj és automatisch de vastelaovendjschlager 2012. Alle 11 lidjes waere gespuuëldj doeër de 20-koppige Copperband Moorland. Mét dit Lidjesfestival oeëpene de Rogstaekers op 13 november ’t vastelaovendjsezoên.

‘t Reglemênt en ‘t inschriêfformeleer vör tekstdichters en componiste zeen op te hale via de pagina
aktiviteite/opening-lidjes ‘t Ingevöldje inschriêfformeleer en ‘t meziekmateriaol motte uterlik 11 juni a.s. beej Henk Jacobs, St. Servatiusstraat 1, 6001 CB Weert waere bezörgdj.