Zoek
Sluit dit zoekvak.
Zoek
Sluit dit zoekvak.

Senaats Vastelaovendjrevue

31-01-2014

Op zoondig 16 fibberwari organizieërtj  “de Senaat” van Stadsvastelaovendjvereiniging De Rogstaekers, in ‘t kader van 8 x 11, de Senaats Vastelaovendjrevue.

De  “aod gedeendje” van oeës vereiniging hebbe alles uut de kast getrokke um dao ’n echt fieëstje van te make.  ’t Fieëstpeliês és de Poort van Limburg en vanaaf 14.00 oor és edereîn dao welkom.  ’t Programma és bestumdj vör aojer  mer zieëker ouch vör jonger publiek.Braobentsj kampioen ‘tonpraote’ (of op z’n Limburgs gezagdj buuttereedner) Berry Knapen, dansgroep Lets do It, de Dênt Revival Bend en Big Band Dial 24 zulle optraeje.

As speciaal attractie és ’t de Senaat gelöktj um vör eîne kieër de vermaardje Vastelaovendjzêngers weer op ‘t podium te kriêge. Ze zulle, oonger leî-jing van Noël Seerden, inne aoj bezétting ‘n aantal toppers uut de vreuger Boonte Aovendje brînge, zoeë as Antje vanne Statie.

Kaarte zeen tieëge de priês van € 6,00 inne vuuërverkoup te kriêge oppe adresse: Verkoûpadresse