Zoek
Sluit dit zoekvak.
Zoek
Sluit dit zoekvak.

Hieërezitting 25 jannewari

04-01-2015
 2014-Herrensitzung 118

Neet wi-j ’t op ’t kaartje stieët 25 fibberwari, mer de Hieërezitting és toch echt op 25 jannewari. Det és dan al de ieërste verângering di-j vae uch wille mejdaele. Waat nog mieër verângertj és det vae dit jaor gekoeëze hebbe vör ’n ânger meneer van prizzentâsie. Weem? Laotj uch mer ’s verrasse!

Waat dan waal weer ’t zelfdje és geblieëve, és neteurlik oeës vaste hoêsbènd ‘De Breethaler’. Aangevöldj mét ’n aantal now artieste (en neet de minste) zal ‘t gegarandieërdj weer e groeët gezellig aojerwéts spektakel waere. Zjuust wi-j in ieërder jaore ouch dit jaor in Tiroler kleî-jing aanne lang taofels lekker mejzwejje en kaâke. Waat ouch verângertj és ’t tiêdstip, det gieët nao 11.00 oor. ’t Programma startj um 11.30 oor en De Poort van Limburg zal zörge vör de bekindje werme hap, uteraard tieëge betaling want det és ouch de rieëje det de entreepriês és trökgebrachtj nao € 12,50.

De ieërste vuuërverkoup beej de Tramhalt és good verloupe, d’r zeen waal nog kaartjes te kriêge. Wildje ’t spektakel nog mejmake, wachtj dan neet te lang. De kaartjes zeen nog te kriêge beej kefee de Tramhalt en de Poort van Limburg. Zörgtj dejje d’r beej zeetj, dit és ’t vastelaovendjfieëst vör echte “MANNE”!