Zoek
Sluit dit zoekvak.
Zoek
Sluit dit zoekvak.

Tôwkomstige Vorst V.V. De Rogstaekers

26-01-2016
NowweVorst

Op Vastelaovendj dieënsdig 9 fibberwari zal V.V. de Rogstaekers heure tôwkomstige Vorst bekindj make tiêdes “ ’t Lindeboom Fieëst oppe Mêrrentj”.   Dit zal neteurlik met ’t noeëdige spektakel gaon gebuuëre.
Vorst Jan zâl, naodette tiêdes ’t volgendje Vastelaovendjsezoên 2016-2017, z’n aafscheidstournee hieët voltoeëidj, op Vastelaovendieënsdig 2017 z’n möts aafzette. Daonao zal de nowwe Vorst alle take oeëver neme.
Vorst Jan, dae op dit memênt z’n jubileum veertj en daome-j al 11 jaor aan ’t steur stieët van de stedelikke Vatelaovendjvereiniging, koppeltj d’r dus nog ‘n 12e (aafscheids)jaor aan vast. Tiêdes dét jaor zal d’r doeër V.V. de Rogstaekers op ’n passendje meneer aafscheid waere genome, woeënao de nowwe Vorst dus vanaaf ’t sezoên 2017-2018 aanne slaag kân.
“’t Lindeboom Fieëst oppe Mêrrentj” startj op dieënsdig 9 fibberwari um 14.00 oore en rôntelum de bekindjmaking van de tôwkomstig Vorst es d’r ’n volbeloeëvendj program met ‘n 6-tal Zaate hermeniekes, mer ouch met artieste wi-j Marleen Rutten, Bjorn van Berkel, Toeter Thijs, Ronald & Carien, Hoondervervél, Ed & Frans, Mark & Wilhemien en nog vol ânger artieste.