 |
 |
 |
 |
De Lindeboom Slaag um de Mêrrentj es gedeurendje aafgeloûpe jaore uutgegru-jtj tot ’n vast oongerdael van de Wieërter Rogstaekers Vastelaovendj. Ouch vör dieënsdig 9 fibberwari stieët dit evenemênt weer op ’t program. Waal es de naam van dit fieëst verângerdj. Woeërum, dét laesje heejoonger.
Slaag weurtj Fieëst
’t Vuuërig jaor hebbe de Rogstaekers ’t konsept van “de Slaag” ietskes verângerdj. Umdét ’t gros vanne Wieërter zaate hermeniekes aangoof weinig te zeen in ‘ne kompetisie es dét illemênt d’r uutgehaaldj. Dör es dus eigelik gein sprake mieër van “ ‘ne Slaag “ . Daonaeve es de verhaojing tösse Zaate hermeniekes en artieste op ’t podium ângers gewoore. Gedeurendje ’t ruum 4 oor deurendje program kaome noow maximaal 6 zaate hermeniekes op ’t podium en zeen ’t de, in hoofdzaak Midden Limburgse, artieste di-j ’t podium völle. Eigelik kujje dét alles gewoeën same vatte as ’n Vastelaovendj fieëst. Vandao dét de naam verângerdj es in ’t Lindeboom Fieëst oppe Mêrrentj.
