Zoek
Sluit dit zoekvak.
Zoek
Sluit dit zoekvak.

Koppe bawwe 2017

12-01-2017
Koppe bawwe 2016
2016-Koppebawe-2_08
2016-Koppebawe-2_06-2
2016-Koppebawe-2_37

Koppe bawwe

Wildjae ouch ‘ne schoeëne Vastelaovendjkop bawwe en mejdoon inne wichteroptocht van VV De Rogstaekers?

Ouch in ‘t vastelaovendjseizoên 2017 és d’r weer de muuëgelikheid vör de wichter vanne basisschoeële uut Wieërt um ‘ne vastelaovendjkop te make. Mét eur eîge schoeën kreasie doje mej  mét de Wichteroptocht en meschien gaoje dae Kleine Gouwe Rog winne.
Oeës plek-, tummer- en verfteam, stieët ouch dieëze kieër weer klaor um te assistieëre.

De wichter zeen van herte welkom in oeës Rogstaekershal um ideeje op te doon, te tummere, plekke, vêrve of waat dan ouch.

Op woonsdig 25 jannewari 2017 starte vae vanaaf 14.00 oor wis roontelum 16.00 oor. De volgendje bawdaag zeen de woonsdige 1, 8, 15 fibberwari 2017. De tiêde bliêve ‘tzelfdje.

Vör materiaol, ’n drênkske en snuîk zulle vae zörge. Aangezeen vae mer e bepêrktj aantal plaatse hebbe, mojje d’r rap beej zeen en uch vuuëraaf opgaeve mét naam, adresgegaeves en tillefoonnummer beej:  info@vvderogstaekers.nl

Gaer wille vae aan eur mam of pap vraoge um mét te kaome hêlpe eur kreasie te make.

De Rogstaekershal ligktj aanne Stekshofwieëg (achter de vreuger milieustraot).Vae zeen uch gaer trök mét eur eîge gemaakdje kreasie inne Wichteroptocht van maondjig 27 fibberwari 2017. Inschriêfformeliere vör de Wichteroptocht krieje uutgereiktj op 8 fibberwari en di-j kujje dan ‘n waek later inlevere .

Wi-j geschrieëve: meldj uch oppen tiêd, ’t aantal plaatse és bepêrktj…………….