Zoek
Sluit dit zoekvak.
Zoek
Sluit dit zoekvak.

Uutrooping Rogstaekerspreens 2017 Live op TV en internet!

12-01-2017

WieertFM3klZaoterdig 14 jannewari zâl de uutrooping vanne Stadspreens 2017 vanne Rogstaekers live te vôlge zeen op tillevies en internet.
Vanaaf 22:45 oor zâl d’r live geschakeldj waere nao de zaal van het Munttheater, zoeëdet ederein dae neet beej de Gala Boonte Aovendj kân zeen de uutrooping asnog gehieël kunne volge.

De uutrooping és te vôlge via ‘t tillevisiekanaal van WeertFM (KPN: 40, Ziggo: 592 en UPC: 36, oeëverige glaasvezel kanale op 2064).

Weertdegekste.nl zâl de uutzending Live on-line beschikbaar stélle via de website en Facebook pagina.

Nao aafloûp és de uutzending digitaal trök te kiêke via alle kanale en uutzending gemisj op WeertFM.

Op zoondig 15 jannewari zâl ’n herhaling waere uutgezonde um 10.00 oor en um 20.00 oor.

De mediaparti-je WeertFM en Weertdgekste.nl hebbe vanuut heûr samewêrking met S-E-P de háng inein geslage en make de produksie vanne live uutzénding muuëgelik dit jaor.

Ouch ‘t Munttheater wêrktj gaer mej en de produksie wûrtj óngerstuuëndj doeër înkel sponsore: Becs IT Services, Goudsmid-atelier Diana van der Linden en Dwars Makelaars.

Daonaeve zâl ouch middels ‘ne livestream via de website Weert-Actueel.nl de uutrooping te vôlge zeen.