Maaktj un schoeën kluuërplaat en gaotj vör niks nao de Boonte Femiêliemiddig

29 september 2017

Gae wiltj toch zieëker ouch weer nao dae gezellige Boonte Femiêliemiddig. Kaomendj jaor zeen di-j op zoondig 14 en zaoterdig 20 jannewarie. Kaartjes koste € 6,00 en zeen noow al te kriêge bij ’t Munttheater

Mer wildjae dao hieëlemaol vör niks nao tow, downlaodtj dan gaw heej dieës kluuërplaat of kliktj op ut plaetje heejnaeve en gaotj aane slaag met potluuëj, stifte of verf en maaktj dur eur eige kûnstwèrk van.

As dejje klaor zeetj gaoje nao de kassa van Warenhuis-Conceptstore in 't Cwartier inne Bieëkstraot en gaeftj dao eur kluuërplaat aaf. Dootj det waal vuuër 1 november 2017

Vergaetj neet eur gegaeves, zoeë-as naam, adres, laeftiêd en zoeë in te vûlle. De 11 schoeënste inzendinge winne hieëlemaol vör niks ein kaartje vör de Boonte Femiêliemiddig. Gae kriêgtj persoeënlik bericht as dejje hetj gewonne!

Doon hè!!


Tags:

Kiektj ouch us beej:

14 september 2017

Ut programma vör ut sezoen 2017-2018 és bekindj! Hoeëgtepûnte zeen neteurlik Vorst oppe Troeën op 11 november met de inauguratie van de nowwe Vorst Stan, de Gala Boonte Aovendj op 13 jannewarie met de uutrooping…

Agenda Vastelaovendj-sezoen 2017-2018

Lees meer

30 mei 2017

Kaarte vör de Boonte Aovendj 2018 of Femiêliemiddig 2018 kujje noow al via ’t Munttheater  bestelle. Gae kintj op eur gemaak thoês via de website eur eige plaats uutkeêze, mer gae kintj det ouch, asse…

Kaarte bestelle vör Boonte Aovendj en Boonte Femiêliemiddig

Lees meer
Mieër noets