Extra

Bert Lempens

Conny Beenders

Harry Coolen

Frans Adriaens

Veiling

In de uutzending van de Vastelaovendjkwis op ROG TV hebbe de 4 vuuëraanstaondje politici  Harry Coolen, Conny Beenders – Van Dooren, Frans Adriaens en Bert Lempens heur uuterste best gedaon um ‘n Vastelaovendjschilderi-j te make. Wi-j aangekondigdj waere dieës schilderi-je now geveildj t.b.v. ‘n good doel.

De hoeëgste beejer moog ‘n schilderi-j met di-j Vastelaovendjdaag inne kamer hânge.

De schilderi-je zeen nog ouch nog te zeen in de fwajee van ‘t Munttheater.

Beeje kân vieja info@vvderogstaekers.nl , vermeldj ‘t bedraag waat dejje wiltj betale en de naam van de schilder.  De sloeting v’r ‘t beeje es op zaoterdig 11 fibberwari. Daonao zulle vae de gelökkige eigenare bekindj make vieja de media.

 

KIEKTJ  UUT!!

Stomme zeîver, Wieërter knoûwel en lache detj verréktj. Dînger di-j zieëker trök te vînge zeen inne 4e Onemanshow van de Wieërter cabaretier Jos van Dooren. Zien vuuërige show woeërt doeër ‘t publiek geweldjig gewaardieërdj, mét as bekroeëning: winnaar vanne  Weerter Podium Publieksprijs 2009/2010. In zien nowste show ‘Kiektj uut’ raakt Jos verzeildj in allerlej dagelikse herkinbaar Wieërter situaties. Dit levertj kaofechtige en absurde taferieële op.
Muzikaal ongerstuuëndj doeër e combo, bestaondje uut 6 topmuzikânte. Det wildje neet misse.
Vriêdig 1 juni en zaoterdig 2 juni 2012 Munttheater Wieërt.
Dao mojje beej zeen! Wachtj neet te lang mét kaartjes koûpe, ze zeen zoeë uutverkochtj.
Kaarte via Munttheater of via mail: josvandooren@zonnet.nl

LVK

Ronald en Carien Moonen zeen zoeë gruuëts as ‘nen aap, ze zitte mer leefst mét twieë lidjes inne halve finale van ’t LVK. De finale és op vriêdig 3 fibberwari.
’t Lidje ‘Woeë ’t hert van vôl és’ zitj in ronde 1 en és te beloestere op zaoterdig 31 december tösse 12.00 en 12.30 oor.
’ t Lidje ‘Dit smaaktj gewoeën nao mieer’ zitj in ronde 3 en kujje huuëre op zaoterdig 14 jannewari tösse 12.00 en 12.30 oor. Kiektj wieter nao de advertênties in De Limburger.
In waek 52 en waek 2 stieët d’r ‘ne bon in De Limburger woeëdejje mej kuntj stumme um Ronald en Carien nao de finale te hêlpe.

 

GULDEN  HUMOR 2011

De vuuërzitter van de Limburgse Vereiniging van Karnavals Artieste (LVKA) Karel Fiddelers és oppe jaorvergadering vanne SLV (Samewêrkendje Limburgse Vastelaovesvereiniginge) unaniem vuuërgedrage vör towkinning van Orde vanne Gulden Humor 2011. As motivatie beej de doeër ’t SLV-bestuur gedaone vuuërdracht kwoom nao vuuëre det Karel Fiddelers al hieël völ jaore ’n groeëte betrokkenheid hieët en zich inzétj vör de Limburgse vastelaovendj en de belaeving daovan op hoeëg nivo héltj.

Inne tachtjiger jaore woor hao drej kieër Limburgs buuttekampoen. Ieërst as sikkertaris en vanaaf 1997 as vuuërzitter van de LVKA maaktj hae zich stêrk vör de Limburgse vastelaovendjartieste en de organisatie van de Limburgse Buuttekampioenschappe. Sinds 2007 verzörgtj hae de redactie en prizzentasie van ’t tv-programma ‘Vastelaovend Same”.

De orde ‘Lid in de Broederschap van de Orde van de Gulden Humor’ weurtj vanaaf 1962 as hoeëgste Limburgse vastelaovesorde towgekindj doeër de SLV aan kandidate di-j zich bezûndjer verdeenstelik hebbe gemaaktj vör de bevordering vanne laevesbli-jheid, de humor of de vastelaovendj en good bekindj zeen inne provincie Limburg.

De Orde és in 1962 vör de ieërste kieër towgekindj aan Charles Eyck, in 1963 aan Toon Hermans en in 1964 aan Godfried Bomans. Alles beejeîn és dieës Orde al 41 kieër uutgereiktj aan minse as: Willy Walden, Joseph Luns, Paul van Vliet, Guus Brand, pater Sangers, Mieke Bos-Janssen en Marion Lambriks en in later jaren aan: Jan en Pierre Huijskens, Jeu Sprengers,Thijs Wöltgens, Lei Meisen, Martin Eurlings, Jan Smeets, Willem Vermeend, Pierre Cnoops, Maria van der Hoeven en Alf Poell. Ouch organisaties kaome beej dieës Broederschap vuuër, zoeë as: ’t Limburgs Symphonie Orkest, Limburgs Schuttersgilde, Limburgse Bond voor Muziekgezelschappen, Bond van Carnavalsverenigingen in Limburg en ’t Limburgs Vastelaovesleedjes Konkoer.

De uutreiking vingtj in principe plaats oppe léste zaoterdig van november van einig jaor. In 2011 zal det zeen op 26 november beej de C.S. De Mirlitophile 1879 in Valkenburg.