Organisatie

De organisatie van de Wieërter Stadsvastelaovendj és in hang van V.V. de Rogstaekers.
De Vereîniging bestieët sinds 1925 en és begiftigdj mét de Penning van Verdeenste van de stad Wieërt.

Op dieës pagina's aandacht vór de saamestelling van de vereîniging en wi-j de organisatie in elkaar stiktj.
(en vör de vröllie, di-j eure mins zoeë dék motte misse).

Ouch aandacht voor de jeugdaafdeîling met de Jeugdraod van 11 en de Huppelpupkes.

Hieël belangrieëk vör ut good reile en zeile zeen de völ vree-jwilligers en dur zeen minse di-j zich al jaore inzette vör ut slaage vanne Wieërter Vastelaovendj. Di-j minse zeen doeër de Rogstaekers in 't zönke gezatte en draage dan de ieëretitel Kammeräödje.

Verder ki-jje nog interessânte stökskes laeze oeëver ongerscheidinge, vanne daobeej huuërende medaalies, oeëver oeës logo en neteurlik oeëver détgieëne, woeë ut beej de Rogstaekers allemaol mej begonne és: de Rogstaekerslegende/