Ongerscheidinge

006-6 - Groeet-Offeseer in de Orde van de Rog (vanaf 2008) 2017-hm-groeetoffeseer_08

2017 Groeët Offeseer in de Orde van de Rog vör Harry Meeuwissen

Op zaoterdig 18 fibberwari és Harry I Meeuwissen beneûmdj tot “Groeët Offeseer in de Orde van de Rog”.
Harry I woor Rogstaekerspreens in 1990 en és daonao 11 jaor lid gewaesj van VV de Rogstaekers. Tiêdes zien lidmaatschap hieët Harry zich met name ingezatte vör groeëte projecte wi-j bevuuërbieëldj de realisâsie van de Rogstaekershal aane Stekshofweg.
Ouch wi-j dette nao 11 jaor vóng det hae plaats mós make vör anger mînse di-j de vereiniging koste deêne leêt hae de vereiniging neet komplieët aan heur lot oeëver.
Beej evenemênte as bevuuërbieëldj de Gulden Humor koste vae ’n beroep op ‘m doon. En as Harry aan ’t roer stieët kujje d’r van opaan detj good kûmtj. Hae weit minse um zich haer te verzamele en te enthousiasmieëre um ’t beste uut eurzelf boeëve te hale. Hae es zakelik, fair en amabel.
Ouch beej ’t senaat és hae as Prizzedênt/vuuërzitter ‘ne verbîngendje factor zoeëwaal binne ’t senaat as tösse ’t senaat en de vereiniging.


006-6 - Groeet-Offeseer in de Orde van de Rog (vanaf 2008) 2017-Rolf-Bonten-GroeetOffeseer_19

2017 Groeët Offeseer in de Orde van de Rog vör Rolf Bonten

Tiêdes de Gala Boonte Aovendj van zaoterdig 14 jannewari és Rolf Bonten beneûmdj tot Groeët Offeseer in de Orde van de Rog.
Naodet Rolf in 1997 lid és gewoeëre van V.V. de Rogstaekers hieët hae zich ingezatte vör de kemissie Lôl Oppe Plênkt en later de kemissie Fieëst Oppe Straot. As accountant van beroep kós ’t neteûrlik neet uutbliêve det hae later vuuërzitter woôrt van de Finansjeel Kemissie en van 2009 tot en met 2016 hieët hae de funksie van Schatbewaarder met volle oeëvertuûging gestalte gegaeve.


 

kammeraotje-huidig-2 2016-tonhendriks-abenslag-1a

2017 Orde van ’t Kammeräödje” vör Ton Hendriks

Op donderdig 19 jannewari zölle vae mr. Ton Hendriks opneme as ‘Kammeräödje’.
Ton, neet as Rogstaekers geboeëre mer ’t waal gewoeëre, és as advocaot al sins jaor en daag oeëze raodsmân beej bepaoldje zake. Statute, reglemênte, hae kiêktj ’t vör os nao en gûftj os adveês en raod.
Daonaeve woor Ton de onaafhânkelik vuuërzitter van zoeëwaal de wêrkgroep Nowwe Kanseleer as de wêrkgroep Nowwe Vorst. In di-j hoedanigheid hieët hae ’t intensieve proces begelédj um uuteindelik te kaome tot ‘ne nowwe Kanseleer/Vice Vuuërzitter in de persoeën van Leon Moonen en ‘ne nowwe Vorst/Vuuërzitter inne persoeën van Stan Ockers.
Tot slot és Ton ‘ne enthousiaste bezeûker van de activiteite van VV de Rogstaekers.

006-6 - Groeet-Offeseer in de Orde van de Rog (vanaf 2008) 2016-TonCor-GroeetOffec_13-2

2016 Groeët Offeseer in de Orde van de Rog vör Ton Cornelissen

Anton, weem kîntj ‘m neet.
Anton és 21 jaor lid geweasj vanne Stadsvastelaovendj De Rogstaekers in diverse functies en gestoptj in 1998 en lid van verdeenste gewoare.
In 1999 bin ich op verzeuk zjurielid gewoare vanne groeëte Rogstaekers optocht tot en met dit jaor. Nao zoeëvöl jaor hieët hae aangegaeve um d’r mej te stoppe.
Al met al 40 jaor in deenst van de Rogstaekers,
Nao al dieës verdeenste van Anton és ’n waardig afscheid op zien plaats van dieëze mîns, dae d’n vastelaovendj en in ’t biezundjer de Rogstaekers ’n wêrm hert towdraagtj.


Offeceer 2016-BA-BertoOffeseer_13

2016 Offeseer in de “Orde van de Rog” vör Berto Weekers

Vuuëraafgaondj aan de Boonte Aovendj van woonsdig 13 jannewari j.l. és doeër Vorst Jan de Offeseer in de “Orde van de Rog” uutgereiktj aan Berto Weekers. Berto lid van Stadsvastelaovendj-vereiniging “De Rogstaekers” vanaaf 2002 és altieëd zieër betrokke in de kemissie LOP. (Lól oppe Plénk) In dieës kemissie hieët Berto al jaorelangk ’t Wieërter Vastelaovendj Lidjesfestival ónger zien hoede. ’n Hieël organzâsie as dejje bedînktj det ’t gieët van inschriêving tot uutveûring en neet te vergaete ’t ouch op bând cq CD zette. Naeve dit alles és Berto ouch de groeëte gangmaker as vae ’t hebbe oeëver ‘t uuttrekke met de vereiniging. Berto és in 2008 ge-ieërdj met de Hoêsorde en in 2013 beneumdj as Lid van Verdeenste doeër de Samewêrkendje Limburgse Vastelaovend-verenigingen (SLV).

 


2016-BA-SLV-ZulvereBuut_31
2016-BA-SLV-ZulvereBuut_35

2016 “Orde van de Zulveren Buut” uutgereiktj aan Ronald en Carien Moonen

Op de Boonte Aovendj van VV De Rogstaekers in ‘t Munttheater és maondjig 12 jannewari doeër de Samenwerkende Limburgse Vastelaovesverenigingen (SLV) de “Orde van de Zulveren Buut” doeër Prizzedént Raymond Vlecken uutgereiktj aan Ronald en Carien Moonen.
Ronald en Carien zeen geîn onbekindje in ’t vastelaovendjwêrreldje, zieëker as ’t gieët um vastelaovendjlidjes. Neet alleîn in Wieërt met ’t WVL (Wieërter Vastelaovendj Lidjesfestival) mer ouch met ’t LVK. (Limburgs Vastelaovendlidjes Konkoer)
Al vanaaf 1989 staon Ronald en Carien same op de buun, in det jaor krieëge ze ouch eur ieërste platencontract beej Johnny Hoes en vanaaf begîn ‘90 zeen ze aktief met vastelaovendmeziek. Dae vastelaovendjmeziek hebbe ze neet mieër losgelaote, woeëbeej ze zich ouch al jaore in zette um de Wieërter artiesten te begelei-je nao ’n hoeëger niveau.
e gaeve ongerstuuëning en advies in de vuuërbereiding en stelle eure opnamestudio ter beschikking, Carien es daobeej dan ’n gewêldjige gastvraw.
Carien hieët daonaeve ‘n fantastisch organizâsietalênt en hieët zich ’n groeët aantal jaore ingezatte vör de Wichterfieëstmiddig van de Rogstaekers. Bezocht heejvör zêlfs de basisschoeële um de wichter te enthosjasmere mej te gaon doon aan de wichtervastelaovendj.
Ouch in ’t 8 x 11 jubileumspektakel “De Legende” woore ’t Ronald en Carien di-j heej ’n groeët aandael in haaje. Ronald spuuëldje de hoeëfdrol van Börgemeister en Carien as kefeevraw. Verder gaon ze doeër ’t laeve as proffesjonele artiesten met ’t Duo Difference, woeëbeej ze in meinig Limburgse zalen optreî-jes verzörge.

Wieërt woor naoteurlik ontzettendj gruuëts wi-jdet ze op ’t LVK van 2010 de 2e plaats behaaldje met “Limburg laeftj met de Vastelaovendj”. Boete dit alles zeen Ronald en Carien neet te beroerdj um de artiestenkérresjel met ’t Boorebâl same te stelle en de prizzentâsie op zich te neme.

tadsvastelaovendjvereiniging De Rogstaekers zeen van meining det met boeëvestaondje de Zulvere Buut vör ’t jaor 2016 op de zjuuste plaats es terecht gekaome.

2016-BA-Kammeraodje-Jac_35
2015-jacFrencen-Kammeraodje-01

2016 Orde van ’t Kammeräödje” vör Jac Frencken

Vuuëraafgaondj aan de Boonte Aovendj van donderdig 14 jannewari weurtj doeër Vorst Jan de “Orde van ’t Kammeräödje” uutgereiktj aan de hieër Jac Frencken.

Jac és inmiddels ’n groeët aantal jaore gelieëje gestartj mét ’t archivere van alle Wieërter vastelaovendjmeziek. Neet allein de meziek en directieperti-jje, mer zieëker ouch alle tekste e.d. Inmiddels ’n aantal jaore verder és biênao alles ingeskendj en gedigitalisieërdj en blieftj ’t vör de towkomst bewaardj en beschikbaar.
Det Jac ’t neet allein beej ’t archivere lutj és duuëdelik. In 2008 organizieërdje de Rogstaekers ‘t ieërste promskonsert mét muzikânte uut de veer Wieërter Hermeni-jje. Naoteurlik woor ’t Jac, dae vör alle muzikânte zörgdje det eure blaadmeziek vuuër aanvang vanne rippetisies komplieët woor. Kopieere, skenne niks woor um tevöl as edereîn mer de gooj perti-j haaj. Ouch vör ’t groeëte spektakelstuk van de Gulden Humor in 2010, “Efkes wat ângers” woor Jac duuëdelik in bieëldj.

’t Bleef neet beej ‘t kompletieëre van de blaadmeziek, Jac woor ouch neet te flaw um in ’t groeët orkest vanne promskonserte mej te spuuële en tösse ’t rippetieëre doeër dan nog gaw effe ’n perti-jke vör dieëze of gene komplieët te make.
’t Archivere zitj dan toch in zien blood en inmiddels és Jac begonne mét ’t groeët Rogstaekersarchief van verslage, gezétte, fotoos, medalies en dergelikke, op te schoeëne en te digitalisieëre zoeëdet ’t ‘strakkes’ vör edereîn via de site vanne gemeindje in te zeen és. Eîne kieër inne waek és Jac same mét ‘ne kollega Rogstaeker te vînge in ’t Gemeindjearchief of inne archiefruuëmdje vanne Rogstaekershal um oeës archief beej te wêrke.

Völ plezeer hieët Jac beej ’t op zeûk gaon nao nog ontbraekendje stökke, zoeëwaal vör de vereiniging of vör femilies di-j nog op zeûk zeen nao historisch materiaol. Dék haaldje det met suukses boeëve water, waat um dan weer völ voldooning guftj.
Naeve dit alles és Jac ouch neet te flaw um ’n aantal ânger zake op te pakke, dao woeë hae kân hêlpe esse vanne perti-j. As vreejwilliger achter de bar beej oeës aktiviteîte in ’t fieëstpaviljoen en Poort van Limburg, inrichte en aafbraeke van fieëstlokâsies, de schoeëljeugd begelei-je beej ’t bawwe van eur kreasie vör de wichteroptocht, ‘t mej inrichte van ‘n Rogstaekers expositie in de Tiendschuur en Munttheater en ’t project “Plevuuze Paad” van de Aod-Preense.

De “Orde van ’t Kammeräödje” weurtj slechts eine kieër per jaor uutgereiktj en zal ten deîl valle aan ‘ne persoeën of groep di-j zich op de achtergroond op “n bezûndjer meneer inzétte vör de Rogstaekers en de Wieërter Vastelaovendj. Dit alles same maaktj ’t det Jac Frencken met recht ’n “Kammeräödje” van de Wieërter Rogstaekersvastelaovendj geneumdj moog waere.


2015-Abdikasie 027

2015-KanseleerAd-ieerelid 02

Wi-j dieënsdigaovendj17 februari ’15 de klok 12.00 oor sloog en d’r ’n îndj kwaam aan de vastelaovendj 2015 kwoom d’r ouch ‘n îndj aan ’t lidmaatschap vanne Rogstaekers vör Kanseleer Ad.

Vuuëraafgaondj aan de abdicatie van de Rogstaekerspreense és Ad doeër Vorst Jan beneûmdj tot ieërelid vanne Rogstaekers, Ad Jongen és vanaaf 1984, ‘t jaar nao zien preensschap, lid gewaesj vanne Rogstaekers.

In dae’n tiêd heef hae zowat alle funksies doeërloupe.

Daonaeve jaorelang dael uutgemaaktj van ‘t bestuûr as vicevuuërzitter.

Beej Ad Jongen kos eedereen gevraogdj of ongevraogdj terecht vör raod en daad.

Vastelaovendj keumtj recht uut zien hêrt en hae genoot intens van alles waat met vastelaovendj van doen haaj.

‘T waas dan ouch vör de lede ‘n unaniem besloot um Kanseleer Ad beej zien vertrek te beneûme tot ieërelid van de Rogstaekers.

 


2012_Peter_Nies 2015-LeonWolter 001
2015-HenkJacobs 000 2014-WilBerben000

2015 Offeseer in de Orde van de Rog uutgereiktj aan:

Peter Nies:
Lid vanaaf 1999, Kemissielid FOS, vanaaf 2012 vuuërzitter, Optochten en Slaag um de Mêrrentj e.d

Léon Wolter:
Lid vanaaf 2001, kemissielid Jeugd, Kemissielid LOP, Kemissielid PR, sikkertaris, Notulist beej ledevergaderingen.

Henk Jacobs:
Lid vanaaf 2000, kemmissielid LOP, Lidjesfestival en bestuuërslid.

Wil Berben:
Lid vanaaf 2010, kemissielid FOS – sikkertaris, Kemissie PR, website en optochtbegeleider


2015-GrootOffeseer-Thijs-Adrie 08
2015-GrootOffeseer-Thijs-Adrie 14

2015 Groeët Offeseer in de Orde van de Rog vör Thijs Vleeshouwers

Op de Boonte Aovendj van vriêdig 16 jannewari és doeër Vorst Jan de Groeët Offeseer in de Orde van de Rog uutgereiktj aan Thijs Vleeshouwers.

Thijs lid vanaaf 1999, és beej zien aantreî-je as lid binne de vereiniging gestartj beej de Kemissie PR. Binne dieës kemissie woor hae mede verantwoeërdelijk vör alle persberichten, vastelaovendjgezet en ’t drökwêrk. Tot 2010 woor hae ouch de vaste sikkertaris van dieës klup.

Van 2000 tot en met 2008 woor Thijs naeve de kemissie PR ouch de sikkertaris van de Jeugdkemissie. In dieës kemissie zörgdje hae as sikkertaris ouch eder waek vör ’t jeugdprogramma en zoeë op z’n eîge meneer det ’t vör de jeugd ’n fieëst woor dit te laeze. Naeve ’t sikkertariaat van de Jeugdkemissie woor hae ouch ‘n groeët aantal jaore de Jeugdpreensebegeleider,  zörgdje eder jaor weer vör ‘ne good samegesteldje Jeugdraod en woor altieëd presént beej ’t uutrekke van de jeugd.

As jeugdpreensebegeleider kwoom hae dan ouch terecht in de kemissie P&P, (Preense en Prizzentâsie) en kreeg in 2009 de belângriêke taak as begeleider van de Groeëte Stadspreens. Vanaaf ’t vraoge tot en met ’t aaftreî-je, ruum 4 maondj later és Thijs dao intensief mej bieëzig. Tot op de daag van vandaag deût hae det nog met hieël völ plezeer.

In 2011 kwoom Thijs in ’t bestuur terecht en hieët hae de neet onbelangriêke taak op zich genoeëme van vereinigings-sikkertaris. Ouch heej weer op zien eîge meneer, kwoom met de info’s vör de lede en bracht op ’t indj van ’t sezoen ’t jaorverslaag uut, vergezeldj van völ foto’s en op ‘ne gehieël nówwe lay-out.

Of det nog neet genogt és, és Thijs lid gewaesj van verschillendje wêrkgroepen. Zoeë waas hae in 2010 nouw betrokke in de wêrkgroep artistiek beej de organizâsie van de de Gulden Humor in Wieërt. Verder in 2014 in de wêrkgroep artistiek beej de organizâsie van ‘t 8 x 11 jaorig jubileu

m “Efkes wat ângers” en de Musical Rogstaekers De Legende op de Mêrrentj. Naeve zien drukke rogstaekerswêrk vîngtj hae toch altiêd weer tiêd um met zien Joekskepél

Vanwieëge boeëvestaondje verdeênste és de “Groeët Offeseer in de Orde van de Rog” op ‘n gooj plaats terecht gekaome.


2015-GrootOffeseer-Thijs-Adrie 15
2015-GrootOffeseer-Thijs-Adrie 20

2015 Groeët Offeseer in de Orde van de Rog vör Adrie Hendriks

Op de Boonte Aovendj van vriêdig 16 jannewari és doeër Vorst Jan de Groeët Offeseer in de Orde van de Rog uutgereiktj aan Adrie Hendriks.

Adrie lid vanaaf 1995, hieët zien spoeëre in verschillendje kemissies waal verdeend. Begonne beej de Jeugd woor hae al gaw vuuërzitter van de Jeugdkemissie. In dieës kemissie hieët hae ‘ne gehieël nówwe opzet van de organizâsie beej de jeugd opgezatte. Adrie woor ’t ouch dae op de lieëgere schoeële ’n vastelaovendjpakket introdusieërdje, waat bestong uut ’ne videobând met vör de wichter o.a. ’t Vastelaovendj-zjoernaal met völ wichter vastelaovendjnoets en fillumopnames met in de hoeëfdrolle Ed & Frans di-j de mieëst gekke kapriole uuthaaldje. Daonaeve bestong det pakket uut de CD met de Wieërter vastelaovendjslagers, poosters um op schoeële op te hânge en folders met wichteraktiviteite um uut te daele aan de schoeëljeugd.Verder woor Adrie ouch ’n groeët aantal jaore Jeugdpreensebegeleider.

Nao zich völ jaore verdeenstelik te hebbe gemaaktj beej de Jeugd és hae oeëvergestaptj nao de kemissie PR woeë hae de website onger zien hoede kreeg en nog hieët. Zieëker in de beginjaore van de website ’n hels karwei um alles gevöldj te krieëge. Naeve de website és Adrie ouch oeëze eîge hoêsfotograaf en legktj alle aktiviteiten van VV De Rogstaekers vast op bieëld um ze vervolgus weer te plaatse oppe website. Vanuut de PR és Adrie de groeëte koördinator beej de vuuërrizzervieëringen en kaartverkoûp van alle groeëte Rogstaekers evenemênte.

Of det nog neet genogt és, és Adrie lid gewaesj van de kemissie FOS, woeëbeej de organizâsie van de “Slaag um de Mêrrentj” onger zien hoede veel en nog véltj. Sinds 2013 vuuërzitter van de kemissie LOP met o.a. de organizâsie van de Boonte Aovendje en vanaaf 2015 de organizâsie van de Hieërezitting. Ouch in de wêrkgroep artistiek beej oeës organizâsie van de Gulden Humor en 8 x 11 “Efkes wat ângers” hieët Adrie ‘ne groeëte inbring gatj in ‘t gehieël.

Vanwieëge boeëvestaondje verdeênste és de “Groeët Offeseer in de Orde van de Rog” dan ouch zieëker op ‘n gooj plaats terecht gekaome.


IMG_3486
IMG_3507

2015 Mies Moonen beneûntj tot Offfeseer in de orde van de Rog

Doeër Vorst Jan és beej ’t bezeûk vanne Rogstaekers op de jubileumresepsie és Mies Moonen beneûmtj tot Offeseer in de orde van de Rog.

Vanaaf de oprichting vanne Vastelaovendjvereiniging de Verkusköp uut Kieëntj és d’r e kepêl mejgetrokke met de vereiniging. Dus ouch de kepêl vanne Verkusköp bestieët dit jaor 5 x 11 jaor. D’r és op dit memênt nog ein lid actief met 5 x 11 achter ziene naam : Mies , dikke trom, Moonen. Vanaaf de oprichting beej Vester in de Kerkstraot és Mies al aktief. Bij de kepêl nog altiêd ein vanne mieëst gewaardieërdje lede.

Vör de kepêl és d’r mer eine jubilaris met 5 x 11 en det és Mies.

 

 

 

 


2015-Afscheid-BA-IrisvandeZanden 207
2015-Afscheid-BA-IrisvandeZanden 213

2015 Iris van de Zande Ieëre artiest vanne Boonte Aovendj

Iris van de Zanden beneumtj tot Ieëre Artiest

Op de leste Boonte Aovendj van zaoterdig 17 jannewari 2015 és aan Iris van de Zanden de titel “Ieëre Artiest” tówgekindj vör zien groeëte verdeenste aan de Rogstaekers Boonte Aovendje.

Iris, vanaaf 1997 beej de Boonte Aovendje betrokke, woor altieëd eîn van de stuwendje krachten van de artiestengroep. Kleîn mer dapper en as artiest vör alles inzetbaar, of ’t nów as aangaever of inkopper woor, as figurânt of hoeëfdrolspuuëlster, in ‘n groeps-skétsj of solo, Iris schriktj nêrgus vör trök.

Naeve boeëvestaondje és Iris ‘ne doêzendjpoeët oppe buun. Oeëze eîge Wieërter “Wendy van Dijk”. Iris zetj alle soeërte en maote typetjes nieër, van “Goojse Madam” tot het type “Ma Flodder” en van schoeëlmaegtje tot aoj vraw. In ’t kort gezagtj Iris és ‘ne rasartiest.

Daonaeve hieët Iris jaorelângk as entertainer mejgewêrktj aan de Wichterfieëstmiddig en

bepaoldj neet onverdeenstelijk. Helaas hieët Iris dit jaor te kinne gegaeve te gaon stoppe as Boonte Aovendj artiest. Vae as “Stadsvastelaovendjvereiniging De Rogstaekers” zeen dan ouch gewêldjig gruuëts det vae al jaor en daag en allemaol vör de lôl en de flawwekûl, Iris in oeës midde hebbe gatj.


2015-Kammeraedje-Anny-Jongen 019
2015-Kammeraedje-Anny-Jongen 025

2015 Orde van ’t Kammeräödje vör Anny Jongen

Op de Boonte Aovendj van donderdig 15 jannewari és doeër Vorst Jan de “Orde van ’t Kammeräödje” uutgereiktj aan Anny Jongen.
Anny és al vanaaf 1983 betrokke beej de Wieërter Rogstaekers vastelaovendj. ’t Ieërste jaor as vraw van oeëze toenmalige Preens Ad en vanaaf 1984 ’t momênt det Ad de gelederen binne de Rogstaekers kwoom verstêrke woor ’t Anny det neet alleîn Ad ongerstuuëndje mer zieëker ouch de hieël Rogstaekersvereiniging.
Anny és de groeëte schakel beej oeës damus “De Täötebelle”, regeltj en neemtj de initiatieve van dieëze groep op zich, neet allein met ’t sikkertariële wêrk mer zieëker ouch mét ’t same d’r op uut trekke. Verder és ’t Anny, waat same mét nog înkel damus ’n groeët gedaeldje van de kleî-jer beej dieëze groep op zich neemtj, neet allein mét ‘t ontwêrp mer ouch mét de uutveuring heejvan.
’t Verzörge van de klei-jer van de Jeugdraod és alweer ’n hieël aantal jaore eîn van de take di-j Anny op zich hieët genoeëme, van verstelwêrk tot ’t make van nów bokse, dao drejtj ’t zien hând neet vör um. Kontrolieërtj of oeës Rogstaekersjeugd d’r netjes beej luiptj en zörgtj d’r vör det nao aafloup van ’t sezoen ouch weer alles netjes trök keumptj. Slutj de kleî-jer thoês op en maaktj alles weer klaor vör ’t nów sezoen.
Naeve de Jeugdraod eé Anny ouch eder jaor betrokke beej oeës Preense waat ’t aangieët van de klei-jing, in ’t groeëtste geheim zörgtj Anny det oeës preense in eder gevâl ’n good zittendj en op maot gemaaktj pak cq pékske hebbe. Ouch de vereinigingslede hebbe heej profiêt van, Anny es altieëd in de buurt as d’r weer ‘s ‘ne knoûp van ’t pak aafvluugtj of eme de vereinigingssteek oeëver de oeëre véltj.
Naeve al dit kleî-jerwêrk deût Anny nog zoeëvöl mieër as ongerstuuëning, van tekste kontrolieëre vör de vastelaovendjgezet tot hând en spandeenste verrichte dao woeë noeëdig és. Altieëd stieët Anny vör os klaor, neîn zegke stieët neet in zien woeërdebook.
Boete dit alles és Anny ouch nog ‘s ’n vuuërtreffelikke gastvraw. Beej beejeinkomste of vergaderingen van Rogstaekers beej oeëze Kanseleer Ad aan hoês (en di-j zeen d’r nogal wat) stieët de koffie met ’n drénkske en hépke altieëd klaor.
De orde van ‘t “Kammeräödje” weurdj slechts eine kieër per jaor uutgereiktj en zal ten deil valle aan ‘ne persoeën of groep di-j zich op de achtergroond op ‘n bezundjer meneer inzette vör de Rogstaekers en de Wieërter Vastelaovendj. Dit alles same maaktj ‘t dét Annie Jongen mét recht ‘n “Kammeräödje” van de Wieërter Rogstaekersvastelaovendj geneumdj moog waere.

SLV 019
SLV 016

2015 Pedro Heesterbek doeër de SLV ongerscheî-je met de Zulvere Buut

Op de Boonte Aovendj van VV De Rogstaekers in ‘t Munttheater és maondjig 12 jannewari doeër de Samenwerkende Limburgse Vastelaovesverenigingen (SLV) de “Orde van de Zulveren Buut” doeër Prizzedént Raymond Vlecken uutgereiktj aan Pedro Heesterbeek.
De hieër Pedro Heesterbeek huuërtj zoeë ongevieër beej de inventaris vanne Boonte Femiêliemiddig. Al vanaaf 1990 (ruum 25 jaor) maaktj hae dael uut van ’t gezelschap dét d’r jaorliks vör zörregtj dét ouch aan de jongste jeugd ’t Vastelaovendjvirus weurtj oeëvergedrage.
In de begin jaore verzörgdje hae, same met z’n vreende van Vastelaovendjvereiniging de Wiepkes, de invölling as artiest van de, toen nog Boonte Wichtermiddig, op dit momênt es hae nog de einigste mejwêrker van de groep Wiepkes.
Ouch hieët Pedro nao zien aktieve rol as artiest, in ieërste instânsie jaorelangk as soufleur beej de Boonte Wichtermiddig mejgedrejd.
Op ’n memêntj dét de Rogstaekers ‘ne regisseur noeëdig haaje um ’t noow artieste talênt, de kneepjes van ’t vak beej te brînge woor Pedro, same met z’ne vaste kompaan Rosan Camp, berédj um dieës rol vol entoezjasme op te pakke.
Hae zétj zich met zeel en zaligheid in en daobeej es neet allein de regie z’n wêrk, mér ouch ’n dael van de produksie van dit wichter spektakel, huuërtj tot zien take pakket.’t Mot gek gaon as Pedro neet beej alle rippetisies van dieës Wichtermiddige aanwieëzig és.
Ouch hieët Pedro ‘n 10tal jaore mejgedaon aan de Boonte Aovendje van oeës zöstervereiniging De Zweeloeëre.
Naeve boeëvestaondj buhne/-theaterwêrk waas hao ouch ‘ne fervênte daelnemer aan de Wieërter optocht met VV De Wiepkes en zjurielid beej ’t litjesfestival aafgeloûpe jaor, breîd inzetbaar dus.


2014 Ivonne Hendriks doeër de SLV ongerscheî-je met de Zulvere Buut

Ivonne Hendriks és in 1986 gestartj beej de Wichter Boonte Middig en jaore later (en intösse volwasse) de oeëverstap gemaaktj as artiest nao de Boonte Aovendj.

De léste jaore hieët het zich neet allein as artiest oppe buun laote zeen mer ouch as ‘n verdeenstelike zangeres.

Ivonne zétj zich neet allein in vör de Boonte Aovendje mer ouch in ’t vastelaovendjsezoên as artiest – zangeres beej groeëte aktiviteite, zoeë  as de promskonserte, Jubileumfieëste, de Gulden Humor en ’t  Rogstaekers Lidjesfestival en Senioremiddige.

Vör âl dit wêrk, âl di-j ore rippetieëre, waat ze allemaol deut vör de lôl en de flawwe kûl, perbieërtj ze toch um beej eder optreî-je ’t béste uut zichzelf nao boeëve te Ivonne hale.

As dânk vör eure groeëte inzet vör zoeëwaal oeës Boonte Wichterm

iddige as ouch vör de Boonte Aovendje stélle vae vuuër Ivonne te ieëre mét de Zulvere Buut vanne Samewêrkendje Limburgse Vastelaovesvereiniginge.


2014 Theo Nouwen Commandeur in de orde vanee Rog

Op zaoterdig 18 jannewari heef Theo aan ’t begin vanne Boonte Aovendj doeër Vorst Jan en uut hang van Kanseleer Ad de oongerscheiding ontvange as Commandeur in de orde vanne Rog.
Dieës oongerscheiding es de hoeëgste di-j doeër Rogstaekers uutgereiktj weurtj en weinige hebbe dit mooge ontvange.

Theo eîn van oeës langzittendje lede es al vanaaf 1988 beej de vereiniging. ‘Ne mins uut doêzendje dae zoeë’n bitje op eder plékske gezaete hieët binne oeës klup.
Van nep Preens tot schatbewaarder en van postbesteller tot adressebehieërder. Theo deût ’t allemaol, altieëd kujje ’n beroop op Theo doon.
Op dit memênt vervöltj Theo de rol van sikkertaris beej de kemissie FIK en beej de werkgroep 8 x 11.
Lid van ’t FOS en naeve ’t budzjetbehieër deut Theo heej ouch met völ verve de kommunikâsie regele beej de groeëte optocht vanuut de Bibliotheek, Daonaeve esse as sikkertaris nouw betrokke beej de “Lindeboom Slaag um de Mêrrentj”.
Beej ’t LOP ésse as ongerstuuëner beej ’t vuuërizzervieëringstraject van de Boonte Aovendje betrokke.

Waat deut dae eigenlik neet??? Dootj ’n beroop op Theo en ’t weurtj geregeldj.

 

 

 

 

 

 


2014 Orde van ’t Kammeräödje vör Rosan Camp

Op de Boonte Aovendj van donderdig 23 jannewari zal doeër Vorst Jan de “Orde van ’t Kammeräödje uutgereiktj waere aan Rosan Camp.
Rosan es al vanaaf de jaore ’80 betrokke beej de Wieërter Rogstaekers vastelaovendj, as klein maegtje kwoom ’t in aanraking met de Boonte Wichtermiddig, as artiest en kértrekster hieët ’t verschillendje kleîn en groeëte rolle gespuuëldj.
In ’n later stadium wi-j d’r stieëds mieër nów artieste beej kwome hieët Rosan de taak van regisseur op zich genoeëme, tot heden ten dage deut ze det nog stieëds. Naeve ’t regissieëre van de Boonte Femiliemiddig schriêftj ze ouch tekste, lidjes en sketches en és ’t nouw betrokke beej de decor’s, attribute en klei-jer vör dieës middige. Ge moogtj waal zégke det ’t ’n echte regeltante és en zich oeëverâl met meutj. Of det nog neet allemaol genogt és deut ze jaorliks inne zoeëmer vör alle artieste en decórbawwers van de Boonte Femiliemiddig ‘ne gezellige BBQ organizieëre beej eur thoês.
Vanuut de Boonte Wichtermiddig és Rosan al înkel jaore betrokke beej de Wichterfieëst-middig, woeë ze in de organisâsie en uutveûring kluuër gaeftj aan ’t gekoeëze thema. Daonaeve és ze betrokke beej Rog TV woeë ze o.a. ’t Rogzjoernaal prizzentieërtj.

Rosan és ’n échte fieëstnaas en neet wegk te dînke uut de Wieërter vastelaovendj. Zoeë deût ze bevuuërbieëldj ouch mej met d’n optocht met ’t duo VV Vae kunne op Camp, woeëmej ze in 2012 de Knouwelpriês inne wacht sleîpdje met ’t motto: ’n Bitje Mollig.
Tot slot vingtj ze ’t ouch nog ’s good det eure mins, Remco zich as decórbawwer inzétj vör de Rogstaekers, woeëdoeër ze in de periode van oktoeëber wes jannewari deîn d’ânger thoês neet zoeë hieël völ treffe. Ouch de babysit maaktj soms oeëverore beej hoêze Camp umdet mam en pap mette vastelaovendj bieëzig zeen.

De orde van ’t “Kammeräödje” weurdj slechts eine kieër per jaor uutgereiktj en zal ten deil valle aan ‘ne persoeën of groep di-j zich op de achtergroond op ’n bezundjer meneer inzette vör de Rogstaekers en de Wieërter Vastelaovendj. Dit alles same maaktj ‘t, dét Rosan Camp met recht ’n “Kammeräödje” van de Wieërter Rogstaekersvastelaovendj geneumdj moog waere.

 


2013 Ed Stroek en Frans Snels Ieëre artieste vanne Boonte Aovendj

Frans Snels en Ed Stroek zeen zaoterdigaovendj 12 jannewari  nao de léste Boonte Aovendj in ’t Munttheater beej eur afscheid uutgerope tot  ieëre-artieste vanne Rogstaekers. Frans en Ed of Ed en Frans (want weem neumdje noow ’t ieërst?), ’t és twieë hang op eîne boêk en twieë men woeëbeej de vastelaovendj doeër de aore stroumtj en di-j altiêd de drang hebbe um minse te amezieëre mét eure humor en lidjes. Echte ras-artieste mer ouch schriêvers van völ sketches en lidjes. Mét eur optreî-jes hebbe ze 15 jaor lânk de zaal oppe kop gekrieëge. Sketches vôl humor en loompigheid en altiêd op zeuk nao ‘t rendje van waat d’r akseptabel és.

Mét de lidjes blieftj ‘t neet allein beperktj tot de buun van ‘t Munttheater mer tot wiêt inne umtrék weurtj beej al eur optreî-jes de sfeer bepaoldj. Kortum artieste di-j eure stêmpel op de Boonte Aovendje hebbe gedoedj en dieës ongerscheî-jing dan ouch dik verdene. Ze wore groeëte vuuërvechters um de Boonte Aovendj te beginne en aaf te sloête mét e lidje en dao hebbe ze de Rogstaekers van wieëte te oeëvertuge. Wi-j kujje dan baeter eur carrière as Boonte Aovendjartiest aafsloête as mét det te doon woeë dejje mej begonne zeetj. Nao dieës serie van tieën Boonte Aovendje hebbe ze same mét alle artieste en begelédj doeër de Boonte Aovendj Bend en ‘t koeër Manoevre aafscheid genoeëme van ‘t Wieërter publiek mét ‘t lidje ‘De Mêrrentj’. Op dieëze léste woeërte ze emotionieël verrasj wi-j de dochters van Ed en Frans de microfoon oeëvernoeëme en ‘n eige versie van ‘De Mêrrentj’ lete huuëre as groeët ieërbetoeën aan eur vaders. Daonao vele vör Ed en Frans de gerdiêne vör de léste kieër tow.


2013 Lid van Verdeenste vör Peter Coumans

– Vanaaf 1973 lid vanne vereiniging en daovuuër al betrokke beej de Boonte Aovendje.

– Vanaaf ’t begin es Peter eigelik ‘ne allrounder gewaesj. Dao woeë vae tieëgewoeërdig kemissies hebbe di-j take verdeîle woor ’t Peter dae beej ALLE aktiviteite asj um techniek ging, of ’t regele van attribute/zake vör aktitviteite van Optocht tot Vorstebâl ’t vuuërtouw noom. Gae kosj dör dan vanuut gaon detj ouch geregeldj woor. Of ’t now um ’n geluidsinstallasie ging of requisite v’r de Boonte aovendj. Peter regeldje ‘t.

– Jaorelang ein van de stuuënpilare vanne vereiniging gewaesj. Niks woor um tevol. Hae stook onnoemelik vol tiêd inne vereiniging.  As de rest vanne vereiniging allang aan ’t fieëste woor, dan woor ’t Peter dae nog de leste pûntjes op de i aan ’t zette woor. En woore de aktiviteite aafgeloupe  dan woor Peter degeine dae de hang uut de mowwe stook um d’r vör te zörge det alles netjes opgeruumdj achtergelaote woeërt.

– Peter woor, naeve de Boonte Aovendj, ouch betrokke beej de Wichtermiddige en hieët, same met Huub v/d Bosch zaliger, ’t vuurtouw genoome um ‘ne “eige”wichtermiddig met jong artieste nieër te zette (woeë ’t daovuuër de BA artieste woore di-j op ’t leste memênt ’n aaftreksel vanne BA vör de wichter brachte).Peter ès bestuuërslid en Kommesaris gewaesj en heef alle madaalies van de vereiniging gahadj, daonaeve Sirremoniemeister in hert en neêre


2013 Groeët Offeseer in de Orde van de Rog vör Ronald van Andel

Ronald al jaorelângk ein van de dragendje krachte beej P&P. Meutj zich oeëverâl mej ouch woeë dette zich neet met mot meuje. Maaktj ’t programma vör de vereiniging, és verantwoeërdelik vör de mejtrekkendje kepelle. Regeltj ’t bösverveur en és daonaeve ouch nog Preensebegeleider.

Verder és Ronald in ’t verlieëje besteurslid gewaesj en hieët det met völ inspirâsie gedaon, ’n besteurslid dae de besteurszake altieëd positief benaderdje.


2013 Groeët Offeseer in de Orde van de Rog vör Jan van de Port

Jan és waaliswaor nog neet zoeë lang lid mer hieët waal al ‘ne hieële staot van deenst. Vanaaf 2007 es Jan beej de vereiniging, vuuër dae tiêd waas hae lid van ’t vuuërmaolig WMG. As Lid hieët jan zich vanaaf ’t bigîn verdeenstelik gemaaktj beej ’t LOP en dan met name beej de Boonte Aovendje. Sinds ’n paar jaor trektj hae heej ouch flînk mej aan de kér, ieërst same met Jeroen Creemers en sinds dit jaor same met Rob Hermans.

Naeve dieës take és Jan ouch Sirremoniemeister en és hae ‘ne perfeksjonist in ’t beejhaoje en beejwêrke van drejbeûk. Neemtj zien take binne P&P hieël serieus op.


2013 Groeët Offeseer in de Orde van de Rog vör Mark Bouwmans

Mark ’t kreatieve brein van de vereiniging, neet mieër wégk te dînke. Van zien hând kwome de Vastelaovendj-Proms, Slaag um de Mêrrentj, de invölling beej de Gulden Humor, Lidjesschriêver, schriêver van Boonte Wichtermiddige, Preensuutropingen en zoeë kujje nog waal effe doeër gaon, eigenlik tevöl um op te neume. Aod Broeëdmök (aod lid van ’t besteur)


2013 Iris van der Zanden doeër de SLV ongerscheî-je met de Zulvere Buut

– Iris klein mer dapper, as artiest vör alles inzetbaar. As aangaever, en as inkopper, as     figurant of as hoeëfdrolspuuëlster, in un groeps-sketsj of solo, Ires kan ’t allemaol.
– Unne waore doêzendjpoêt oppe buun.
– Al vanaaf 1997 stieët Iris Aovendj aan aovendj tiêdus de Boonte Aovendje oppe  buun.
– Oeëze eige Wieërter “Wendy van Dijk”.  Iris zetj alle soeërte en maote typetjes nieër,  van Goojse Madam, tot het type Ma Flodder, van schoeël maegtje tot aoj vraw.
– Naeve dit alles waas Iris jaorelânk lid van vastelaovendjvereiniging De Flodderbokse en es ’t tiêdus en boete de vastelaovendj ouch nog aktief as kloon en entertainer.
– Kortum ‘ne rasartiest.
– De Boonte Aovendj artieste en vae as VV de Rogstaekers gaon d’r gruuëts op det Iris    zich al jaor en daag, vör de lôl en de flawwekûl inzetj vör de Wieërter Vastelaovendj!


2013 Berto Weekers doeër de SLV ongerscheî-je in de orde van verdeenste

Berto Weekers és sinds 2001 actief binne oeës vereiniging:
Vuuëral binne de kemissie LOP (Lôl oppe Plênk) di-j o.a. dieëze geweldjige Boonte Aovendj organizieëre.
Berto zetj zich in vanaaf zien beginjaore vör de Senioremiddig, sinds vuuërig jaor neume vae det de Dâns & Ammezemênts aovendj.
És hieël nouw betrokke beej de sezoensoeëpening en ’t Lidjesfestival.
És verantwoeërdelik beej de tot stândkaoming van de Rogstaekers lidjes CD.
Mèr boeëve dit alles és Berto de persoeën dae de vastelaovendj oppe gooj plaats hieët, nameluk in zien hert en det dreugtje hae dan ouch uut nao ederein in zien umgaeving.
Berto és as persoeën altieëd aanwieëzig en dék de sfeermaker binne de vereiniging.


2013 Piet Bosch doeër de SLV ongerscheî-je in de orde van verdeenste

Piet Bosch és binne oeës vereiniging ‘ne persoeën dae altieëd vör ederein klaor stieët.
As vae Piet neet beej de vereiniging haaje zooje vae d’r dék slecht beejstaon.
Waat deut Piet allemaol?
– Zörgtj det oeës vastelaovendjwaages altieëd in perfekte staot verkieëre, ouch motorisch.
– Es verantwoeërdelik en behieërder van de Rogstaekershal.
– Es oeëze technische mân beej alle klusse woeë vae geîne raod mej wieëte.
– Beej de optochtkemissie és Piet de mân dae de technische leiding hieët.
– Zörgtj ouch vör reserve traktore beej pech in de optocht.
– Es verder betrokke beej ’t Boorebâl en de Slaag um de Mêrrentj.
Piet waas ouch de persoeën dae zörgdje det de aafgeloupe 7 jaor ’t fieëstpaviljoen 4 waeke aan ’n stök konstânt onger zien toowzicht stong, mer det neet allein, hae zörgdje same met zien ploog vreejwilligers vör de stroûm, water, beertappûnte, toilette, fietsenstalling en neum mer op. Ouch veûldje hae zich verantwoeërdelik vör ’t gehieël en waas dan ouch s’merregus um 07.00 oor ter plekke um de beveiliging aaf te losse, s’nachts um 01.00 oor waas hae dan nog dao um ’t zaakje te sloete en wieër oeëver te drage aan de minse van de beveiliging.
Eigenlik és Piet ‘ne doêzendjpoeët zoeë-as dejje d’r mer weînig tieëge komtj.
Piet és inmiddels al op hoeëge laeftiêd en gieët volgendj jaor aafscheid van os neme waat vae uuteraard zieër waardieëre mer vör de vereiniging ’n groeët gemis zal zeen.


2013 Offeseer in de Orde van de Rog uutgereiktj aan Peter Wulms

Peter és lid vanaaf 1998 en és zieëker in zien beginjaore nouw betrokke gewaesj beej de Jeugdkemissie. As begeleider van de jeugdraod en zieëker ouch as Jeugdpreensebegeleider waas ’t Peter dae d’r hieëlemaol vör gong. Haaj in di-j jaore ouch altieëd ‘ne hieële gooje bând met de aojers van de jeugd en waas d’r vanzêlfspraekendj altieëd beej met ’t uuttrekke van de jeugd nao alle aktiviteîte.Verder zitj Peter alwieër ’n aantal jaore in ’t LOP en és hae beej dieës kemissie verantwoeërdelik vör de Wichter Boontemiddig.Vanuut zien funksie as Jeugpreensebegeleider és Peter in de kemissie P&P terechtgekaome en hieët zich dao inmiddels opgewêrktj tot vuuërzitter van dieës klup.


2013 Offeseer in de Orde van de Rog uutgereiktj Wil Hermans

Wil is al mieër as 20 jaor aktief betrokke beej de Wieërter Vastelaovendj. In de begînjaore as lid van ’t toenmaolig Wêrrikmeistersgilde en noow as vaste vreejwilliger van de Rogstaekers.Wil es stuuën en tówverlaot beej ‘t verveure van de dekors van de hal nao ’t Theater en tiêdus de Boonte Aovendj edere aovendj aktief as buune assistênt. Ouch tiêdus de Boonte Femilie middige es Wil al jaor en daag buune assistênt.Naeve dit alles wêrktj Wil altieëd mej aan ’t aanklei-je, opbawwe en aafbraeke van verseeringe beej oeës Rogstaekers aktiviteiten, dînktj daobeej in en aan ’t paviljoen, Boorebâl en resént nog de Gulden Humor. Tiêdus de vastelaovendjdaag és hae al jaore de vaste begeleider van de Jeugdpreenswage. Samegevatj ‘ne mân um op te bawwe en altieëd vör de Rogstaekers en de Wieërter Vastelaovendj klaor stieët.


2013 Offeseer in de Orde van de Rog uutgereiktj Hans Minkels

Hans lid vanaaf 1998 es in zien ieërste jaore betrokke gewaesj in ’t LOP en in de Jeugdkemissie. De leste jaore zitj Hans as sikkertaris in ’t FOS woeë op dit momênt ’t Boorebâl zien aandacht hieët. Daonaeve és Hans oeëze mân as ’t um de drânklevering achter de buun in ’t Munttheater gieët. Verder hieët Hans tot en met 2011 met völ enerzjie de notuule van de ledevergadering verzörgtj.


2013 Orde van ’t Kammeräödje vör Peter & John van Hoef

Oppe Boonte Aovendj van donderdig 10 jannewari zal doeër Vorst Jan de ‘Orde van ’t Kammeräödje’ uutgereiktj waere aan de hieëre Peter en John van Hoef, twieë breurs di-j al jaore beej oeëze Wieërter vastelaovendj betrokke zeen.
Peter en John zeen met ’t Rogstaekersvirus in aanraking gekaome ind jaore ‘70 begîn ’80 as chauffeurs van oeës Preense, wi-j di-j nog mét bedriêfsböskes van ’t ein nao ’t ânger bâl gebrachtj moste waere. Peter en John rieëje dan de böskes, eîn vör ’t Boorehermenieke en eîn vör ’t Preenselik gevôlg. ’t Gereidschap inne bös maakdje plaats vör de bênk vanne scouting. Nao aafloup brachte ze ’t Preenselik gezelschap ouch nog netjes nao hoês, wi-j laat ’t ouch waas, det maakdje vör dieës joonges neet uut.
Dieës hieëre krieëge de smaak te pakke en de optochte in bieëldj. Heej koste vae op eur raekene det oeës optochtwages veilig doeër de straote trokke, Peter as chauffeur van de Raod van Elfwage en John van de Jeugdpreensewage. Tot op vandaag doon ze det nog altiêd mét völ plezeer.
Vervolges zeen ze al vanaaf 1990 beej de Rogstaekers aktief beej ‘ne groep vreejwilligers dae zich mét name bieëzig héltj mét ’t klaorzétte vanne decorstökke oppe Boonte Aovendje (ieërder ’t Wêrkmeistersgilde), ouch heej zeen Peter en John mej van de kèrtrékkers. Det neet allein, ze zörge d’r ouch vör det de stökke vanne bawloeëds in ’t Munttheater kaome en waere trökgebrachtj.
Of det nog neet allemaol genog és moge vae altiêd e beroop doon op eure vreeje tiêd. Zoeë wore ze nauw betrokke beej de inrichting vanne Rogstaekersloeëds, hebbe ze mejgewêrktj aan de bouw van de Jeugdpreensewage, ri-jje ze de vrachtwages as d’r weer ’s spulle verveurdj motte waere vör oeës aktiviteite en zoeë kinne vae nog waal effe doeërgaon.
De orde van ’t “Kammeräödje” weurtj mer eîne kieër per jaor uutgereiktj en és bestumdj vör ‘ne persoeën of groep dae zich oppe achtergroond op ’n bezundjer meneer inzetj vör de Rogstaekers en de Wieërter Vastelaovendj. Dit alles same maak ’t det Peter en John van Hoef met recht “Kammeräödjes” van de Wieërter Rogstaekersvastelaovendj geneumdj moge waere.


2012 Offeseer in de Orde van de Rog uutgereiktj

 Pedro Heesterbeek Roger Jansen Rolf Bonten

2012 Frans Snels en Ed Stroek doeër de SLV ongerscheî-je met de Zulvere Buut

Frans es ‘ne rasechte Wieërter vastelaovendjveerder. Zîngtj met Ed de sterre vanne hieëmel, es ‘ne belasngriêke schriêver van de Boonte Aovendje. Ouch begonne in de Boonte Wichtermiddig en al gauw gegrujd nao ‘ne rasartiest van uutzondelike proporties.
Weit eder sketsj, rippetisie en uuteindelik zelfs ouch de Boonte Aovendje ‘ne drei-j te gaeve dae nemûs verwachtj, zelfs zien kollega artieste neet.
Frans hieët met aan de wieg gestange vanne Herrensitzung en weit dao saame met de spesjiaal Raod van Elluf altiêd weer un bezjundere middig van te maake, ‘ne middig vôl ongeluiflik völ lol en stomme zeiver woeëdet eder jaor dik 500 mân uut eure bôl gaon.

Ed stiêt al sinds mînse heugenis inne Boonte Aovendje. Hae es begonne in de Boonte Wichtermiddig en inmiddels geuftj hae de Wieërter mînse al dik 20 jaore aovendj aan aovendj un lach en un traon. Neet allein as artiest mèr zieëker ouch as schriêver. Menig sketsj en lidje kaome uut de hand van Ed en saame met de ânger schriêvers es hae unne duuëdelike kèrtrekker inne Boonte Aovendj groep. Op initiatief van Ed hebbe vae sinds un paar jaor ouch un echte live Boonte Aovendj Bend.
Ed waas in ’t verlede ouch ein van de drieëvendje krachte aan de Herrensitzung en betrokke beej de opzet van dieës aktiviteit.
Wiêter es Ed van onschatbare waarde veur de rest vanne Wieërter Vastelaovendj. Woeë un fieëstje es, es Ed (saame met Frans neteurlik) um op te trei-je. Met de vastelaovendj krakers di-j ze jaor op jaor weer maake hebbe ze Wieërt zelfs inne Zoepkoel oppe kaart gezatte!

Ed en Frans zeen ’n onaafscheidelik duo, dus waat oeëver Ed gezagdj es geldj zieëker ouch veur Frans en umgekieërdj!


2012 León Wolter doeër de SLV ongerscheî-je in de orde van verdeenste

Léon és vanaaf 2000 lid van oeës vereiniging, de ieërste jaore van zien lidmaatschap hieët Léon zich verdeenstelik gemaaktj in de Jeugdkemissie en hieët dét mét völ passie gedaon.
Nao de jaore beej de jeugd és hae zich verdeenstelik gaon make in de kemissie LOP (Lôl oppe Plénk) en waas dao vuuërnamelik de kértrekker beej de Senioremiddig, zoeëwaal as organzâtor as Prizzentator.
Verder és Léon verschillendje jaore kemissie-sikkertaris gewaesj beej ‘t LOP.
Vanaaf 2010 és Léon kemissie-sikkertaris beej de PR  en tevens verantwoeërdelik vör de persberichten.
As naeve aktiviteit kinne vae altieëd ’n beroop op Léon doon as ’t gieët um ’n vuuërzénger, Léon és altieëd bereidj um de kér te trekke as ’t gieët um ’t zeenge van ’t Limburgs Volkslied of beej de Rogstaekers hymne.


2012 Orde van ’t Kammeräödje vör Kitty Scheijmans

Oppe Boonte Aovendj van donderdig 19 jannewari és  doeër Vorst Jan de “Orde van ’t Kammeräödje uutgereiktj  aan Kitty van der Meijs. Kitty és ’n dochter van Willem van der Meijs dae vreuger nouw betrokke waas beej de organizâsie via de hokkieklup van ’t Boorebâl en és getrawdj mét Thijs Scheijmans. Kitty és zieëker gein onbekindj inne Wieërter vastelaovendj, ze és ’n vastelaovendjveerster in hért en nieëre en asj effe kân heej ’t hieël jaor mej bieëzig.

As ongerwiêzerés oppel oeëpenbare basisschoeël De Graswinkel hieët ’t al meinig kieëre de wichter alles verteld oeëver dit stökske kultuur en aangespoeërd um dit toch zieëker in stând te haoje. Kitty zetj zich same met ’t hieël gezin in vör de wichtervastelaovendj van de Rogstaekers, met name és ’t nauw betrokke beej de organzâsie vanne wichterfieëstmiddig en kân de jeugdkemissie eder jaor ’n beroôp op eur doon.

Verder zörgtj Kitty met ’n aantal vreejwilligers d’r vör, um op ’n aantal goonsdigmiddige, same met wichter te bawwe inne Rogstaekershal en zoeë te stimulieëre en te hêlpe met ’t make van eur wichteroptocht-krejâsie. Op vastelaovendj-maondjig zitj Kitty alwieër hieël wat jaore inne zjurie van de wichteroptocht.

Daonaeve of ’t nog neet genogt és, és Kitty nauw betrokke beej de organizâsie van de Slaag um de Mêrrentj, ’n groeët spektakel op vastelaovendjdieensdig woeëdét ’t zich neet allein hieët bieëzig gehaoje mét de nówwe opzet mér ouch plaatsneemtj in de zjurie.

De orde van ’t “Kammeräödje” weurtj slechts eine kieër per jaor uuitgereiktj en zal ten deil valle aan ‘ne persoeën of groep di-j zich jaorelânk oppe achtergroond op ’n bezundjer meneer inzette vör de Rogstaekers en de Wieërter Vastelaovendj. Dit alles tesame maaktj ’t dét Kitty met recht ’n “Kammeräödje” van de Wieërter Rogstaekersvastelaovendj geneumdj moog waere.


2011 Offeseer in de Orde van de Rog uutgereiktj in jannewari

Rosan Camp

Piet Bosch

Jo Janssen Adrie Hendriks

2011 Groeët Offeseer in de Orde van de Rog vör Vorst Jan Stroek

Vuuëraafgaondj aan de léste Bônte Aovendj van zaoterdig 22 jannewari 2011 és tot eders verassing doeër kommesaris Peter, Vorst Jan beneumdj tot “Groeët Offeseer in de Orde van de Rog”. Vorst Jan in 1989 stadspreens gewaesj, és vanaaf 1994 lid van Vastelaovendjvereiniging De Rogstaekers. Tal van funksies zeen in ’t verlieëje doeër Jan beklédj binne de vereiniging, jaorelângk waas hae vuuërzitter van de kemissie FOS (Fieëst Oppe Straot) en waas in dieës hoedanigheid dan ouch verantwoeërdelik vör de Groeëte Rogstaekersoptocht.

Vanaaf ’t sezoen 2006 és Jan vuuërzitter en Vorst van dieës vereiniging. Met ’n groeët enthozjasme wétj Vorst Jan minse te motivere en te aktivere, neet allein binne zien eige klup mér zieëker ouch beej alle vastelaovendjveerders. Zien oeëpe meneer van kommunisere zörgdj vör ’n groeët draagvlak in oeës gemeinschap. Hae és tówgankelik vör ederein, of ’t nów gieët um kontakte met de gemeindje, zöstervereinigingen, zakepartners of vastelaovendjveerders in algemeine zîn, Vorst Jan stieët altieëd klaor um de relâsies positief te benadere. Hieël völ groeëte evenemênte zeen onger zien leiding ingevöldj, onlangs waas de organizâsie van de Gulden Humor daovan ’n spraekendj vuuërbieëldj.

Vorst Jan és inmiddels ’n neet mieër wégk te dînke persoeën in de Wieërter vastelaovendj en as Vorst ’n boegbieëld van de Rogstaekers. Vuuërâl in dae zîn moog dieës Orde ’n waardieëring zeen vör zien totale verdeenste.


2011 Groeët Offeseer in de Orde van de Rog vör Frans Driessen

Vuuëraafgaondj aan de Bônte Aovendj van donderdig 20 jannewari és doeër Vorst Jan de “Groeët Offeseer in de Orde van de Rog” uutgereiktj aan Frans Driessens. Dit vör ziengroeëte verdeenste aan de Wieërter vastelaovendj en aan de Rogstaekers in ’t bezûndjer.

Frans és lid van de vereiniging vanaaf 1990 en hieët in di-j hoedanigheid völ wêrk binne de Rogstaekers verzatte. Vanaaf ’t begîn van zien lidmaatschap maaktj Frans al deil uut van de kemissie FOS. (Fieëst Oppe Straot) In dieës kemissie zitj alles waat met ’t boetegebuuëre te make hieët, gae moogtj dan dînke aan de Groeëte en de Wichteroptocht, de Lindeboom Slaag umme Mêrrentj vuuërhieën ’t Toêt en Blaosfieëst. Daonaeve zitj ouch ’t Boorebâl beej ’t FOS. Dao woeë de héndjes uut de mówwe motte waere gestoeëke hebbe vae de kemissie FOS noeëdig. Frans és doeër zien jaorelange ervaring binne dieës kemissie ’n neet mieër wégk te dînke persoeën en és hae ‘ne kéj as ve ’t hebbe oeëver ’t indaele van de Groeëte Rogstaekersoptocht. Beej de wichteroptocht és Frans betrokke as koördinator van de zjurie.

Beej dit alles és Frans naoteurlik ‘ne vastelaovendjveerder dae ’t hért oppe gooj plaats hieët zitte en dieës Orde met ieëre moog drage.


2011 Doeër de SLV ongerscheî-je in de orde van verdeenste

Henk Jacobs Mark Bouwmans Rob Hermans

2011 Thieu Snoek doeër de SLV ongerscheî-je met de Zulvere Buut

‘N speciaal ongerscheî-jing vör Thieu Snoek. Hae woeërt ge-ieërdj mét de Zulvere Buut. Thieu Snoek és noow dirigent vanne Stedelike Hermeni-j St. Antonius. Âl zien verdeenste woeërte opgesomdj. As jonge muzikânt waasse beej de legendarische Boorehermeni-j. Dit gezelschap begelédje de preense en de Rogstaekers ‘t hieël sezoên.

Hae waas lange tiêd beroepshâlve beej de Johan Willem Friso Kapel en beej de Kuuëninklike Militaire Kapel. As hobby begos hae mét e paar ânger de ieërste Wieërter dialectbend “Plat Wieërs.” Hae maakdje daovör völ arrangemênte en spuuëldje zelf saxofoon. De bend waas werreldjberoemdj in Wieërt en umgaeving.
Later woeërt hae gevraogdj vör de vakjury um de lidjes vör ’t Rogstaekers Lidjesfestival te beoeërdaele.
Ziene vakkinnes en zien begrip vör ‘t vastelaovendjfieëst in Rogstaekersstad Wieërt kos hae hieëlemaol gebroêke beej dieës beoeërdaelinge.
En as groeëte klapper és hae e paar jaor gelieëje benaderdj um e groeët project te begeleî-je: de Vastelaovendjproms. In dit enorm project kombenieërdje hae völ muzikânte van 4 Wieërter hermeni-jje tot eîn groeët hermeni-j-orkest.
Thieu Snoek smôlt dieës verschillendje muzikânte same binne e paar repetities tot egeweldjig schoeën en good orkest. As dirigênt van dieëze groep woeërt ‘t in november georganizieërdje Gulden Humorfieëst in Wieërt ‘n ongekindj succes.

Vör dieës lang ri-j verdeenste vör de vastelaovendj in Wieërt krieëg Thieu dieës hoeëg onderscheî-jing van ‘t SLV.


2011 Herman Linssen nowwe drager van ‘t Kammeräödje

Op d’n ieërste Boonte Aovendj, vriêdig 14 jannewari, és de “Orde van ’t Kammeräödje”  uutgereiktj aan aod-notaris Herman Linssen. Herman, geboeëre in ’t Uuleriêk Remundj, woeëntj al vanaaf 1956 in Wieërt, woeë zie vader e notariskantoeër haaj. Vanaaf 1960 wêrkdje Herman dao ouch en in 1970 noeëm hae det kantoeër oeëver um tot 1992 as notaris wiêd en breîd bekindj te waere. Daonao és hae actief gewaesj as mantelzörger vör zien aojers en vreejwilliger beej verpleeghoês St. Martinus.
Hae hieët altiêd völ tiêd gespendieërdj aan ziene hobby “De geschiedenis van ’t circus.” Daovör ging hae nao plaatse oeëver de hieël werreldj en dieëj o.a. ’n groeëte verzameling affiches beejeîn. As bestuurslid vanne Kerkelike Hermeni-j hieëtte de Wieërter Vastelaovendj good lieëre kinne. Nog altiêd ésse, raekening haojendj mét ziene laeftiêd, beej diverse vastelaovendjaktiviteite aanwieëzig. ’t Boorebâl zal hae noeëts oeëverslaon. Wi-j aod-Vorst Ton in 1989  mét ’t vuuërstél kwoom um mieër meziek inne optocht te kriêge, woor ’t Herman Linssen dae innegang aanboeëj privé garânt te staon vör de 1e, 2e en 3e Knoûwelpriês vör de Wieërter meziekgezelschappe. Dit jaor luîptj hae vör de 23e kieër mej.

Det financiëel gebaar és ’n fantastische aanvölling op ’t optochtbudget en weurtj neteurlik ouch doeër de meziekgezelschappe êrg gewaardieërdj.