Béste bezeuker van dieës now
Rogstaekers-website,
Inne zoeëmer van 2010 ontstong ’t idee um de website van De Rogstaekers komplieët te vernowwe. Nao maondje brainstorme, ontwêrpe en ontwikkele, és heej eindelik ’t resultaat te zeen.
As echte Rogstaeker bin ich d’r hieël gruuëts op det ich dieës opdracht heb moge uutveure. De website bereiktj e groeët publiek det same eîn geweldjig geveul deiltj: Wieërter vastelaovendj. In samewêrking mét reclamebureau skyhighmedia és d’r gestreefdj nao ‘n website di-j dit geveul op de zjuuste meneer oeëverbringtj en d’rvör zörgtj det de informasie di-jje zeuktj, snêl gevoonge kân waere.
In de kaomendje waeke weurtj de website zoeëwi-jzoeë nog wieter aangevöldj mét mieër ekstra’s. Leuke of hendjige informasie, foto’s en video’s, schoeën verhaole of ânger dînger di-j uch inne stumming brînge. ’t Mot e platform waere woeë de Wieërter vastelaovendj-gek gaer trök keumtj en ouch ziene of eure eige inbring kwiêt kân. De Rogstaekers staon daorum oeëpe vör eur suggesties. Laotj ze heej-oonger achter, of steurtj ‘ne e-mail nao idee@vvderogstaekers.nl.
‘ne Schoeëne vastelaovendj geweensj en ich hoeëp dejje völ plezeer belaeftj aan dieës website!
Stef Mooren
