Nao ’t groeëte suukses van vuuërgaondje jaore wille de Rogstaekers ouch dit jaor de wichter van de basisschoeële de muuëgelikheid gaeve um, oonger deskundige leî-jing, same te bawwe aan ’n kreasie vör de Wichteroptocht.
Oppe woonsdige 2, 9, 16 en 23 fibberwari van 14.00 tot 16.00 oor zeeje van herte welkom in de Rogstaekershal um ideeje op te doon, te tummere, plekke, vêrve of waat dan ouch.
Mét begeleî-jing van Jan van Riet en Kitty Scheijmans, twieë kreatief minse, kujje dao eur eige kerke of kop make. Vör materiaol, ’n drênkske en snuîk zulle vae zörge.
Aangezeen vae mer 20 wichter kunne laote, mojje uch vuuëraaf opgaeve beej Jean Paul Metten, e-mail j.metten@home.nl .
De Rogstaekershal ligktj aanne Stekshofwieëg (achter de aoj milieustraot) en ’t tillefoonnummer vanne hal és 547152.
De Rogstaekers vînge ’t geweldjig as dejje mét eur eige gemaakdje kreasie mej gaotj doon aan de Wichteroptocht van maondjig 7 mieërt. Inschriêfformeleere vör de optocht kujje kriêge beej de VVV/ANWB aanne Maasstraot 18.
