 |
 |
 |
Vorst Jan en Jeugdvorst Guus van V.V. de Rogstaekers op bezeuk bij Sinterklaos in ’t Sinterklaoshoês in Wieërt
Géster middig ware Vorst Jan en Jeugdvorst Guus op bezeuk bij Sinterklaos. Ze oeëverhandigdje de Goedheilig Man ‘n vreejkaartje vör de kaomendje Boonte Femiêliemiddige en Boonte Aovendje.
Desnoeëds regele de Rogstaekers ‘n retourtje vör de Sint. Neteurlik moog de Sint incognito kaome.
Jeugdvorst Guus en Vorst Jan vrooge de Sint en z’n Piete ouch good te kieke of d’r oppe liestjes van de wichter ‘n kaartje vör de Boonte Femiêliemiddig woord gevraogdj en bij de pappa’s, mamma’s opa’s en oma’s neteurlik vör de Boonte Aovendje.
Sint kreeg ouch nog as tip mej dat hae de kaartjes in cadeauverpakking aan de kassa van ‘t Munttheater kan koupe. Via de site www.munttheater.nl kunne ze ouch waere besteldj.
De Boonte Femiêliemiddige zeen op zoondag 6 en zaoterdag 12 jannewari. De Boonte Aovendje starte op donderdig 3 jannewari en de reeks scheîtj uut op zaoterdig 12 jannewari.
