Op vriêdig 9 november startj de vreeje verkoûp van de Boonte Aovendje en Boonte Femiêliemiddige van V.V. de Rogstaekers.
Vanaaf donderdig 3 wes zaoterdig 12 jannewari weurtj ’t Munttheater umgeduîptj tot ‘n echt “Rogstaekerspeliês” woeë de artieste van de Boonte Aovendj en Femiêliemiddig vreej baan kriêge.
’t Weurdj de aafscheidstoer van Ed Stroek en Frans Snels, di-j in dieës reeks van Bônte Aovendje vör de leste kieër oppe plênk staon. As leefhebber van Vastelaovendj en theater moogdje det fieëstje eigelik neet misse.
Aangezeen d’n tiêd van Sinterklaos en de Körsmân nadertj, esj waallicht ouch ’n good ideej um zoeë’n kaertje van de Boonte Aovendj of femiêliemiddig op eur liêstje te zette. As de Goodheiligman en Sante Claus ’n hieël klein bedraag mieër betale, dan waere di-j kaertjes, beej ’t Munttheater, ouch nog ín ’n schoeën kedoopepeerke ingepaktj.
Kaertjes zeen te verkriêge vieja www.munttheater.nl of aanne kassa van ’t Munttheater. Vör mieër informâsie kujje ouch kieke oppe site www.vvderogstaekers.nl
(P.S.: Vör de Boonte Aovendje van zaoterdig 5 en 12 jannewari es geine vreeje verkoûp)
