Aafgeloupe zaoterdig és Stadspreens Godain I uutgerope as de nowwe hieërser van de stad Wieërt.
Op dieëze aovendj hebbe ve via ‘t kenaal van WTV ‘n aovendjvöllendj programma uutgezonde oonger de naam Rog TV. Dieës uutzending és mej dânkzi-j uch muuëgelik gemaaktj. Tösse de diverse items in hebbe ve doeër middel van reclameblokke ouch eur bedriêf in bieëldj gebrachtj.
Oeëze dânk heejvör!
Muuëgelik hejje al vernoeëme det ve wat technische probleme hebbe gekîndj um beej bepaoldje hoêshaojes inne hoêskamer te kaome. Op dieës meneer hebbe neet alle Wieërtenare kunne geneete vanne uutzending en de uutroping van Godain I. Ondanks de fantastische inzét van diverse persoeëne op dae zaoterdigaovendj és ‘t os neet gelöktj um ’t ein en ânger asnog op te losse.
Vae wille uch, as kieker asnog laote geneete van de uutzending:
RogTV weurtj herhaaldj in 2 daele; op zoondig 13 jannewari dael 1 en op zoondig 20 jannewari dael 2.
