Rogstaekers Jeugdpreens 2013

6 januari 2013

Stef 1e uutgerope tot Rogstaekers Jeugdpreens 2013

In ‘n oeëvervôl Munttheater és op zoondig 6 jannewari nao aafloûp van de Boonte Femiliemiddig uutgerope tot noowe Rogstaekers Jeugdpreens 2013, Stef Saes. Jeugdpreens Stef 1e és 11 jaor en zitj op Basisschoeël Luuëke in groep 8 beej Meîster Wim en Juffraw Naomi. De Körsvörse Jeugdpreens és ‘ne zoeën van Ron Saes en Marion Reijnen en hieët nog ‘n zösterke van 9 jaor di-j loestertj nao de naam Fenna. Same woeëntj ‘t gezin Saes aan de Leukerstraot 8 in Wieërt.
Eîn van zien groeëtste hobbies és op judoles gaon beej Judoschoeël Shintai in Ni-jwieërt, mér leefst twieë daag inne waek ésse dao te vînge. Naeve ‘t judo és Stef ouch nog ‘ne fanatieke voetballer in de E1 van de Moêsdieëk. (D.E.S.M.) Uuteraard és hae ouch gaer boete um te spuuële met zien vrînde en kân hae hieël good taekene.
Vastelaovendj és oeëze Jeugdpreens met de paplieëpel ingegaeve, al vanaaf zien geboeërte és hae lid van Vastelaovendjvereiniging De Knauwelbieëters en deut met dieëze groep eder jaor mej in de femilieoptocht van Luuëke.

De Orde di-j Jeugdpreens Stef 1e hieët ingesteldj hieët ‘n bitje te make met zien in Wieërt bekindje beejnaam:

        De Orde van de “Kuitendje Knuiter”.

 Dit jaor zal oeëze Jeugdpreens de Wieërter Wichtervastelaovendj vuuërgaon onger zien devies:

          “Inne goal of oppe mat,  met di-j daag krieëge vae uch plat!!!”

Kiêktj vör mieër informasie op dees site beej JEUGDPREENS

Kiektj ouch us beej:

21 mei 2020

Aafgeloûpe maondj hieët V.V. de Rogstaekers ‘ne ‘Tjéllensj’ uutgeschriêve woeëbeej Wieërtenare uutgedaagdj woôrte um ’n eige persiflaasj te make oppe alum bekindje Rogstaekerslegende. Dao és massaal gehuuër aan gegaeve. Dao zeen toch hieël wat creatief…

Rogstaekers Tjéllensj – De Uutslaag

Lees meer

18 april 2020

Stadsvastelaovendjvereîniging de Rogstaekers daagtj ederein uut um ‘n persiflaasj te make oppe Rogstaekerslegende. Bieëldj zelf de waalbekindje Rogstaekerslegende uut en maaktj d’r foto’s van, maaktj ‘n eigentiêdse teîkening of schilderi-j, ‘ne film of… zeêtj creatief!…

Rogstaekers-Tjéllensj

Lees meer

27 februari 2020

Vastelaovendj 2020 és d’r eine dae hieël wat minse nog lang zal huuëge. Organisatorisch hieët dit sezoen nogal wat extra wêrk mét zich mejgebrachtj. Zoeë moste nao ‘t wègkvalle van de vorst de noeëdige take…

‘t Woeëre drej daag um neet gaw mieër te vergaete..

Lees meer
Mieër noets