Trofee lidjesfestival

In ’t kader van ‘t  8 x 11 jubileum jaor ônger de titel “Efkes wat ângers” ‘ne aanepasje opzet dae “efkes wat ângers”  es.

Kiêktj nao de promo “Wieërter Vastelaovendj Lidjesfestival”

Belangriêkste rieëje:  Mieër aandacht vör de Wieërter Vastelaovendjlidjes en daome-j neteurlik ouch vör uch  schriêvers, komponiste en tekstdichters. En… mieër aandacht vör de lidjes di-j uuteindelik waere uutgekoeëze

De lidjes waere  ingeleverdj d.m.v. ‘ne tekst en meziek op noeëteschrift.
De  inschriêver es  de uutveurendje!!
Alle ingesteurdje lidjes waere beoeërdeildj doeër ‘ne deskundige zjurie.

D’r waere 8 lidjes uutgekoeëze vör de finale.

Di-j lidjes waere  gearranzjieërdj vör ’n combo met blaozers di-j de nummers live gaon spuuële tiedes de finale.

De inschriêver es de uutveurendje.

De uutveurendje zuktj ‘ne tekstschriêver en/of componist (of ângersum) en same steure ze ein of mieër lidjes in. Mer de inschriêver es dus de uutveurendje.

De deskundige zjurie

Vör de vuuërronde weurdj allein  gebroeëk gemaaktj van ‘ne deskundige zjurie. Det zeen minse di-j zelf ervaring hebbe met of ’t komponieëre van lidjes  of ’t make van tekste vör lidjes. Of allebei neteurlik. Det doon vae umdet dieës minse in staot zeen um aan de hând van ’n gespuuëldje piano purti-j met zang dao “doeërhaer” te loestere, woeëdoeër ’t lidje ouch zjuust op z’n potêntie  weurtj beoeërdeildj.

De uutkomst:  8 finale lidjes.

De finale es geplandj op zaoterdig 26 oktoeëber en zal in ‘ne zaal plaats vînge

Vör mieër informasie kiêktj dan: http://www.vvderogstaekers.nl/aktiviteite/opening-lidjes/