VV de Rogstaekers make vanne Wieërter Vastelaovendj Lidjesfestival 2013 ’n komplieëte fieëstaovendj
Op zaoterdig 26 oktoeëber és de Poort van Limburg ‘t strijdtenieël vör de 8 finaliste; Ronald & Carien mét 2 lidjes vertegenwoordigjd, Dennis Hendrikx, Mark en Wilhelmien, Tim Crins, Ed & Frans, Ruud & Gerlinde en Michiel & Yvonne. Wat opveltj és de variatie in muziekstijlen. Van up tempo mars tot Zuid Amerikaans en van blues tot wals.
VV de Rogstaekers heef gekoeëze vör ‘ne ângere opzet en gieët eigelik teruk nao de tiêd vanne glorie-jaore van ’t lidjesfestival wi-j ze ’t organizzieërdje kort nao Wieërt Kermis inne Poort van Limburg. Standaard recept waas de begeleiding van de finaliste doeër ‘n live band en de beoeërdeiling doeër ‘n vakzjury met daonaeve ouch ‘ne “Vastelaovendjzjury” Di-j oonger ângere bestong uut lede vanne zustervereiniginge. Al dieës ingrediënte kaome trök inne nowwe opzet van ‘t liedjesfestival.
Mét “Holle Klot” (vör de kinners mét muzikanten van de populaire popband No Tuxedo) en de Van Horny Horns és de instrumentale bezetting genuumdj. Moerepetazie, Frank & Joss, Harry & Joerik en LVK winnaar 2013 La Bamba. De zangers Harrold Knoben en Ron Roemen van La Bamba make ouch dael uut vanne vakzjury woeë oonger ângere ouch Rewalt Tobben (Harry Zellef), en Jan Coenen (Mooshoofdpaadzêngers) dael van uutmake.
 |
 |
 |
Ouch ‘t publiek zal ‘n rol speule beej de zjurering vanne vastelaovendjlidjes. Uut ’t publiek waere 8 bezeukers “geplukjt” di-j de taak kriêge ‘t Wieërter Vastelaovendjpubliek te vertieëgewoordige as zjurielid.
De rest van ‘t publiek moog prebieëre te raoje weem de winnaar van de finale gieët waere. Heejvör kriêge ze de gelegeheid um, vuuër de îndjzjurering, heur keuze bekîndj te make. Uuteindelik make ze, di-j vör ‘t winnendje lidje hebbe gekoeëze, kâns op ‘n “Rogstaekers Vastelaovendjpakket”.
Opwêrme vör ‘t nowwe Vastelaovendjsezoên kan dus al op zaoterdig 26 oktoeëber vanaaf 20.00 oor beej ‘t “Wieërter Vastelaovendj Lidjestival” inne Poort van Limburg aan de Werthaboulevard 1 .
Kaartjes vuuërverkoup € 5,- beej:
Primera Keent, Party-Time Maaspoort, Kaas & Ko en van Bun Muntpassage, Cafetaria De Beemd en Cafe Jonas Leuken, Cafetaria Plaza Boshoven,
AK Multimedia Biest
Aanne kassa zal det € 6,50 zeen.
Mieër informasie: www.vvderogstaekers.nl/aktiviteite/opening-lidjes/
