Zoek
Sluit dit zoekvak.
Zoek
Sluit dit zoekvak.

Zilveren Buut vör Ivonne Hendriks

25-01-2014

Ivonne Hendriks hieët uut hang van Prizzedênt Raymond Vlecken van de SLV de Orrde van de Zilderen Buut ontvânge.

Ivonne  és in 1986 gestartj beej de Wichter Boonte Middig en jaore later (en intösse volwasse) hieët 't de oeëverstap gemaaktj as artiest nao de Boonte Aovendj. De léste jaore hieët 't zich neet allein as artiest oppe buun laote zeen mer ouch as ‘n verdeenstelike zangeres.

Ivonne zétj zich neet allein in vör de Boonte Aovendje mer ouch in ’t vastelaovendjsezoên as artiest of zangeres beej groeëte aktiviteite, zoeë  wi-j de promsconcerte, Jubileumfieëste, de Gulden Humor en ’t  Rogstaekers Lidjesfestival en Senioremiddige.

Beej âl dit wêrk, âl di-j ore rippetieëre, waat 't  allemaol deut vör de lôl en de flawwe kûl, perbieërtj Ivonne ’t béste uut zichzelf nao boeëve te hale. 

As dânk vör dae groeëte inzet vör zoeëwaal oeës Boonte Wichtermiddige as ouch vör de Boonte Aovendje és de Zilveren Buut dik verdeendj.