’t Schoeële-vastelaovendjfieëst keumtj d’r aan!
Vriêdag 28 fibberwari ésj weer zoeë ver. ’t Schoeële-vastelaovendjfieëst, alweer vör ‘t 9e achtereînvolgendje jaor. De vuuërbereî-jinge zeen in volle gang.
Net as vuuërig jaor vingtj ‘t evenemênt plaats in “Club Eleven” oppe Oelemêrrentj. Same mét Stadsvastelaovendjvereîniging V.V. de Rogstaekers weurtj d’r haard gewêrktj um d’r e schoeën fieëst van te make.
‘t Schoeëlefieëst beloeëftj weer ‘ne dolle boel te waere mét DJ Admin en DJ Axefield inne DJ-booth. Di-j zulle bekindje dance-meziek mixe mét vastelaovendj- en fieëstmeziek. As klap oppe veurpiêl zulle de bekindje Wieërter artieste Harrie & Joerik (Harrie Zelf vanne Gebroeëke Zwieëgelkes) optreî-je.
Vör ‘t ieërst dit jaor verwelkaome ve ouch de lieërlinge van Citaverde uut Ni-jwieërt. Same mét de lieërlinge van de drej Wieërter middelbaar schoeële (College, Philips van Horne en Het Kwadrant) zeejae van herte welkom.
Oppe schoeële gaon flyers versprédj waere di-j innegang ’t towgangsbewiês zeen (ter waerde van €5,-). Dus neet kwiêtrake. Same mét ID-kaart és det eure towgang tot ’t fieëst.
‘t Begintj um 16.00 oor vör de schoeële, mer de duuëre van Club 11 gaon al om 15.00 oor oeëpe. Doeër de now wétgaeving zal dit fieëst ‘n alcohol-vreej fieëst zeen!
’t Schoeële-vastelaovendjfieëst deurtj tot 20.00 oor.
Kortum: Maf van vastelaovendj?? Treuzeltj neet en beslisj mét vreende/vreendinne um te gaon. Zörgtj dejje d’rbeej zeetj, beej ‘t spetterendje Schoeële-vastelaovendjfieëst 2014.
Vertéltj ‘t wieter!
Vastelaovendj Same!
Wêrkgroep Schoeële-vastelaovendjfieëst 2014
