Zoek
Sluit dit zoekvak.
Zoek
Sluit dit zoekvak.

’t Rogstaekersrelaas geschoeënke doeër de Lambieck Knoup

28-02-2014

Op maondjig 24 fibberwari zeen de Rogstaekers, tiêdes de 35e Lambieck Aovendj, komplieët verrasj met ’n gewêldjig kûnstwêrk.

Beej de gelegenheid van oeës 8 x 11-jaorig-jubileum hieët Vorst Jan uut háng van Prizzedênt Emiel van de Stichting Lambieck Knoup ‘Het Rogstaekers Relaas’ moge ontvânge.

Op dit schilderi-j, vervaardigdj doeër Jack Moonen, wûrtj de alum bekindje Rogstaekerslegende oeëvergoôte met ’n ‘Lambiecksuîske’.

De kûnstenaar hieët zich laote inspirieëre doeër de bekindje Suske & Wiske-strips.  Zoeë zeen de bekindje stripfigure o.a. te zeen as Krelis, de Pestoeër en Jan. Wannieër dejjae good kiêktj zeejjae daonaeve ouch al oeës Wieërter zöstervereiniginge en zellufs oeës Remundjse vrînde van d’n Uul uutgebieëldj.

’n Schitterendj kûnststök waat zieëker ’n schoeën plaetske verdeêndj en woeë vae de Stichting Lambieck Knoup zieër dânkbaar vör zeen!