Géstere vriêdig 25 aprîl hieët ‘t Zijne Majesteit de Koning Willem Alexender behaagdj um Piet Bosch met ‘n Kuuëninklikke ongerscheiding te beneume tot Lid in de Orde van Oranje-Nassau.

Piet waas vanmêrge komplieët verrasj heejdoeër mer zieëker neet minder gruuëts.

De verdeênste di-j heejaan vueëraaf zeen gegânge és ouch um gruuëts op te zeen.
Zoeë deut Piet al ‘n groeët aantal jaore mantelzorg en verzörgtj de tuin met zien eîge mesjien van mevraw Badings in Maarheeze.
És Piet verdeenstelik oeëver ‘n groeët aantal jaore as vreejwilliger op ‘t Kerkhof van Bosseve.
Ésse verantwoeërdelik vör ‘t ongerhaod van de mesjienkes van de Parochie Boshoven.
Ouch hieët Piet zien inbring gatj beej de Landbouworganizâsie KUMELA. (van paerd en kér tot tieëgewoeërdig ‘ne groeëte traktor)Verder nog as sjoffeur van ‘t buurtböske edere dieënsdigmêrge.
Mer ouch vreejwilliger en sjoffeur van de volgwage beej de Wielerklup Wieërt.

Neet te vergaete naoteurlik zien groeëte verdeenste vör VV De Rogstaekers, ouch al vuuëraafgaondj aan zien lidmaatschap, waat vae dan ouch met ‘ne breef hebbe ongersteundj.