Kiêktj vör beschikbaarheid kaartjes vör de Legende op: KAARTJES/LEGENDE

I“The Making of Rogstaekers-De Legende”  op WTV
Vanaaf dieës waek ( 9 april) zal WTV edere woonsdigaovendj, aansloêtendj aan ’t journaal, “The making of Rogstaekers-De Legende” uutzende. Gedeurendje de 4 waeke inne aanluîp nao de musical guftj prizzentator Lars Lambers uch  ‘nen inkiêk achter de schêrme vanne produktie van dieëze musical.

Themanummer WTV-Magazine inne breevebös
’t WTV-Magazine vanne maondj mieërt stieët hieëlemaol in ’t teîken vanne musical “Rogstaekers-De Legende”.  ’n Interview mét de hoeëfdrolspuuëlers  Wendy van Dooren en Leon Smolenaars, de produktiegroep dae alle ‘ins en outs’ vanne vuuërbereî-jinge priêsguftj en ‘n  interview mét oeëze eige ‘börgemeister’ Ronald Moonen en dae vanne stad Wieërt en wieter alles waje mer wiltj wieëte oeëver Rogstaekers-De Legende. Oeës advies: “ Laesj ‘t van A tot Z uut”!

Weert FM – Op z’n Limburgs
Op vriêdigaovendj tösse 19.30 oor en 20.30 oor geuftj Wieërt FM in ’t program “Op z’n Limburgs” op 4,18 en 25 aprîl aandacht aanne musical “Rogstaekers-De Legende”.
Meziek vanne artieste di-j mejdoon aanne musical, ’n tipke vanne muzikale slui-jer asj gieët um de rippertwaar kuuës, interviews en achtergroond informâsie. Lars Lambers schuuftj aan as prizzentator.

 In hieël de gemeindjes Wieërt , Ni-jwieërt en Leudal staon op dit memênt groeëte billboards mét de aankondiging van “Rogstaekers-De Legende”.