Rippetisie Rogstaekers “De Legende”

23 april 2014

Gésteraovendj brachte  vertieëgewoeërdigers vanne 5 femiêlies di-j “Rogstaekers-De Legende” muuëgelik make en ’n vertieëgewoeërdiging van ’t Stichtingsbesteur 600 jaor Stad Wieërt e bezeuk aanne léste regulier rippetisie beej Kinderpretland.
Oonger d’n indrök van det waat ze vuuërgeschoeëteldj krieëge, weurtjer doeër oeës gaste in eder gevâl uutgekieëke nao de uutveuringe op 2 en 3 mei.

Radioprogramma L1
Dieës waek  bestieëdj Henk Hover in zien L1 radioprogramma “Plat ewég” ederen daâg aandacht aan de musical “Rogstaekers-De Legende”. Vanaaf dieënsdig és d’r ederen aovendj 1 nummer uut de musical in zien program te huuëre en op donderdigaovendj stieët d’r ’n interview mét hoeëfdrolspuuëlers Leon Smolenaars (Jan) en Wendy van Dooren (Mieke)  same mét Mark Bouwmans vanne Rogstaekers. Dao kuumtj “Rogstaekers-De Legende” volop inne aandacht.  ’t Goodbeloesterdj L1 programma zörgtj d’rvör det ouch de rest van Limburg stilaan oppe huuëgdje és van ’t schoeëns det in Wieërt stieët te gebuuëre.  

Kaartverkoup Rogstaekers-De Legende
De kaartverkoup vanne musical “Rogstaekers-De Legende” és nog in volle gang. Op dit memênt zeen d’r vör de vriêdigaovendj 2 mei op alle verkoupadresse nog kaartjes beschikbaar. De zaoterdigaovendj 3 mei és bekans uutverkochtj, oppe verkoupadresse zeen kaartjes nog beperktj beschikbaar mer letj op;  Op es OP.  Per vuuërstelling zeen d’r maximaal 3500 kaarte beschikbaar.

Kiektj ouch us beej:

1 september 2019

  Weem weurtj ’t? Eder jaor braeke zich  ‘ne hieële houp minse de hersens oeëver de vraog: “Weem weurtj ‘t?” Weem moog straks uut hâng vanne Opper Opper Rogstaeker de sluuëtel in ontvangst neme en…

Preens raoje! (beej Cultureel Lint)

Lees meer

23 augustus 2019

Eder jaor ontwêrptj ‘ne ângere creatieve Wieërtenaar de schoeën Stiêpelmedalies en pinkes vör “Ich bin ‘ne Rogstaeker®”. Gruuëts prizzentieëre vae ‘t creatief talênt det vör ’t sezoen 2019-2020 dieës gewildje verseêrsele gieët ontwêrpe: Linda Jacobs….

Linda Jacobs ontwêrptj now Stiêpelmedalie

Lees meer

22 mei 2019

Um de Groeëte Rogstaekers Optocht good te laote verloupe zeen vae op zeuk nao verkieërsregelaars en optochtbegeleiders. De minse deej vae zeuke zeen d’n hieële tiêd vanne optocht actief:  verkieërsregelaars vanaaf ’s mêrges 10:00 oor…

Gezochtj: verkieërsregelaars en optochtbegeleiders

Lees meer
Mieër noets