De suksesvolle oeëpe lucht musical “Rogstaekers-De Legende” verschiêntj, in ‘n beperkdje oplage, op DVD. Tiedes de uutveuringe, in ‘t kader van 600 jaor “Stad Weert” en “8×11 jaar V.V. de Rogstaekers”, op viêdig 2 en zaoterdig 3 mei is ‘n registratie gemaaktj van dit spectaculaire evenement.
De 2 oor deurendje shoow is komplieët te zeen en te beloestere op DVD. De DVD weurtj verkochtj met ’n foto- en meziektekstebook. De verkoûppries bedruugtj € 11,–
De opbrîngste van dvd en book gaon nao ‘n 2-tal gooj doele di-j V.V. de Rogstaekers op ‘n later tiedstip bekîndj zal make.
De premiére van ‘t book en DVD is op 12 juli. Heejvör hebbe de Rogstaekers nog ‘n spectaculaire actie in gedachte. Umdet d’r slechts ‘n beperktj aantal exemplare weurtj geproduceerdj, brînge de Rogstaekers vanaaf zaoterdig 7 juni ‘n “tegoodbon” vör DVD en book oppe mêrrentj, zodet de echte leefhebbers snel aksie kinne oongerneme um d’r vör te zörge det ze neet achter ‘t net vêsse.
De “tegoodbon” es te koûp beej Primera Wouters, Van Bun Boek en Tijdschriftenhandel en Party Time. Dus hejje nog gein kadoo vör Vaderdag dan es hejmej det prebleem ouch metein opgelosj.
Kiêktj vör beschikbaarheid: DVD ROGSTAEKRES-LEGENDE
