Zoek
Sluit dit zoekvak.
Zoek
Sluit dit zoekvak.

Opbringst ‘Rogstaekers-De Legende’ nao twieë Wieërter goede doele

09-07-2014

Mieëropbringst uut de kaartverkoup vanne sukscesvolle musical ‘Rogstaekers-De Legende’, the Movie en de DVD met book, weurtj besteedj  aan twieë Wieërter goede doele.
D’r es gekoeëze vör kleinschalige projekte opgezatte doeër Wieërtenare; Woongroep de Regenboog en Stichting Peramiho

Woongroep ‘de Regenboog’.

Gelaege aan de Maastrichtstraot In Wie:ert (lokasie woedet vreuger de tennisveldje vanne Wilma lage) bestieët uut acht jonge mînse tusse de 18 en 32 jaor dij allemaol ernstig mieërvoudig complex gehandicapt zeen. De bezuniginge inne zörg make ‘t steeds moeiliker um leuke passendje aktiviteite uut te veure met de bewoeëners. Heejvör es de organisasie aafhankelik van gifte. 

Stichting Peramiho

Es opgezatte doeër Monique Derrez en heure partner  Leon van Enckevort. ‘t Tweetal offertj jaorliks hun vakansie op um projecte in Zuid-Tanzania (in en rondum ‘t plaetske Peramiho) liefelik te oongersteune. De stichting  ongersteuntj, zowaal  financieëlas ouch organisatorisch, projecte op ‘t gebied van oongerwies, gezondheidszörg en schoeën en veilig drînkwater.

Rogstaekers-De Legende the Movie

Aanstaondje vriêdig 11 juli waere in de zale van Gotcha-Cinema “Rogstaekers-De Legende the Movie” vertoeëndj. De veurstelling begintj um 19.45 oor. Um ongevieër 19.15 uur waere de hoeëfdrolspeulers vanne   musical oeëver “de rooj louper” binnegehaaldj.  Kaartjes zeen te koup aan de kassa van de bioscoop vör de priês van € 7,–.  Nao afloup vannee veurstelling es d’r ‘ne after party bij Café de Gotcha.

DVD Rogstaekers-De Legende

Vanaaf zaoterdag 12 juli zeen de DVD en het foto en tekstenbook van “Rogstaekers-De Legende” vör de priês van € 11,– te koup beej Van Bun Boek en Tijdschriftenhandel, Primera Wouters en Party Time. Vör d-jgieëne dij  “tegoodbonne” vör dees DVD en het tekstenbook heef gekochtj, zeen dees bonne vanaaf det memênt ouch in te wissele op de geneumdje adresse.

Mieër informasie oeëver Rogstaekers-de Legende kujje vinge op www.rogstaekersdelegende.nl
Mieër informasie eëover Stichting Peramiho vindje  op www.moniquehelpt.nl
Mieër informasie oeëver Stichting Woongroep de Regenboog op www.woongroepderegenboog.nl