Op zaoterdig 24 januari 2015 és de vuuëverkoûp van ‘t vastelaovendj concert van de Wieërter coverband Harry & de Gebroeëke Zwiêgelkes gewaesj. Hieël völ fans haaje ‘n keus gemaaktj um beej ein vanne veer verkoûppûunte, cafe’s de Tramhalt, de Gotcha, Jonas en de Harmonie, inne ri-j te gaon staon. Ze zeen d’r in eeder geval de gelûukkige dij kunne zegge; “vae zeen d’r beej”. Mer neet getreurdj, vör de wachters, de vergaetachtige of de late beslissers zeen d’r nog e beperktj aantal kaarte beschikbaar. ’t Optri-je van Harry & de Gebroeëke Zwiêgelkes vîngtj plaats op vastelaovendj zaoterdig 14 fibberwari 2015 in de Poort van Limburg aan de Werthaboulevard in Wieërt. De priês van e kaartje is € 6,– en zeen vanaaf deensdig 27 januari 2015 te koûp beej:
Primera Wouters, Oranjeplein 231.
Feestwinkel Party Time, Maaspoort 60.
van Bun, Muntpassage 7.
Kiêktj vör mieër informasie op Harry&deGebroeëleZwiêgelkes
