Tiêdes de 5x11 jubileumreceptie vanne Vêrkusköp és Mies Moonen doeër Vorst Jan beneumdj tot Offeseer in de Orde van de Rog.
Vanaaf de oprichting van de Vêrkusköp uut Kieëntj és d’r e kepèl mejgetrokke met de vereîniging. Dus ouch de kepèl vanne Vêrkusköp bestieët 5 x 11 jaor. D’r és op dit memênt nog ein lid actief met 5 x 11 achter ziene naam: Mies (dikke trom) Moonen. Vanaaf de oprichting beej Vester in de Kerkstraot és Mies al actief. Bij de kepèl nog altiêd ein vanne mieëst gewaardieërdje lede.
Vör de kepèl és d’r mer eine jubilaris met 5 x 11 en det és Mies.
