|
|
 |
Sem 1e uutgerope tot Rogstaekers Jeugdpreens 2015
In ’n bomvôl Munttheater és zoondig 11 jannewari nao aafloûp van de Boonte Femiliemiddig uutgerope tot nówwe Jeugdpreens 2015 van Wieërt, Sem Meevis. Sem és 12 jaar aod en zitj in groep 8a van OBS Molenakker bij Juffraw Kitty. De körsvörse Jeugdpreens és ‘ne zoeën van Paul & Vivian Meevis – Hermans, vader Paul es de eigenaar van Faunaland, gelaege in de Bieëkstraot. Same mét zösterke Mex woeëntj ‘t gezin Meevis op de Aoje Laorderwieëg 16 in Wieërt.
Hobbies hieët oeëze körsvörse Jeugdpreens Sem 1e ouch, zoeë spuuëltj hae gaer op zien keybaord en deût det zieër verdeenstelik op ’t Rockpleîn van ’t Rick. Wieter és hae ‘ne fervênte beoefenaar van ’t zwummendj redde van drênkelinge beej de Reddingsbrigade Wieërt. Naeve dit alles loestertj hae gaer nao meziek, spuuëltj gaer vör discjocky en és rieëgelmaotig oppe kompjoeter mét vrînde um spelletjes te spuuële.
As Jeugdpreens van de Rogstaekers kân hae neteurlik neet zónger adjedânte en dao hieët hae dan ouch ’n twieë gewêldjige jônges en eîn maegtje vör uutgekoeëze. Det zeen: Jasper Ramaekers, Sam Emans en Bram Pluijmen
Umdet oeëze Jeugdpreens gek és van meziek en zwumme hieët hae ingesteldj de:
“Orde van ’t Zwummendj muzikêntje”.
As Jeugdpreens Sem 1e wiltj hae de Wieërter Wichtervastelaovendj vuuërgaon onger zien devies:
“Dieëze vastelaovendj gaon ich mich hieëlemaol gaeve,
zetj de meziek aan en same gaon vae ’t belaeve”
