Wi-j dieënsdigaovendj 17 fibberwarie de klok 12:00 oor sloeëg en d’r ’n îndj kwaam aanne vastelaovendj 2015 kwoom d’r vör Kanseleer Ad ouch ‘n îndj aan ’t lidmaatschap vanne Rogstaekers. Vuuëraafgaondj aanne abdicatie vanne Rogstaekerspreense és Ad doeër Vorst Jan beneumdj tot ieërelid vanne Rogstaekers/ Ad Jongen és vanaaf 1984, ‘t jaar nao zien preensschap, lid gewaesj vanne Rogstaekers. In dae’n tiêd hieët hae zoeëwaat alle functies doeërloupe. Daonaeve jaorelang dael uutgemaaktj van ‘t besteur as vicevuuërzitter. Beej Ad Jongen kos eedereen gevraogdj of ongevraogdj terecht vör raod en daad. Vastelaovendj keumtj recht uut zien hert en hae genoot intens van alles waat mét vastelaovendj van doon haaj. ‘T waas dan ouch vör de lede ‘n unaniem besloêt um Kanseleer Ad beej zien vertrék te beneume tot ieërelid vanne Rogstaekers.
