 |
 |
 |
Wieërter Vastelaovendj Lidjesfestival 2015 – 2016 op zoondig 15 november
Tekstschriêvers en componiste kunne aanne slaag!!! De inschriêving vör ’t Wieërter Vastelaovendj Lidjesfestival 2016 és geoeëpendj. Wildjae dé Vastelaovendjschlager 2016 uut eur pen laote vlu-jje, dan ésj noow tiêd um eur kreatieve en muzikale brein op volle toere te laote drei-jje en vuuër zoondig 23 augustus ’t rissultaat nao stanockers@hotmail.com te steure.
Wi-j dooje dét?
Op ieërste plaats mojje as componist en of tekstschriêver uch ‘ne zânger of zângeres zeuke di-j eur lidje wiltj zînge en insteure. Want de uutveurendje steurtj ’t lidje in. Zeeje uutveurendje dan ésj ângersum en zukdje uch unne componist en tekstschriêver dae uch ’n lidje wiltj schriêve, of gae schrieftj ’t zelf neteurlik.
És eur lidje klaor dan steurdje de tekst, ’t noeëteschrift en ’t inschriefformeleer (dét vingdje op dieës site) dus nao Stan. Dae es binne de Rogstaekers verantwoeërdelik vör ‘t “lidjesfestival”. Inschriêfformeleer lidjes 2015-2016
Laesj vuuërdejje ’t lidje insteurtj ieërst good ‘t reglemênt zoeë as dét ouch op dieës site stiêt. Dao vingdje alle informâsie.
Mocht ’t toch nog neet duudelik zeen dan kujje altiêd belle of meele met Stan Ockers :til. 06-14286475
Inschriêfformeleer lidjes 2015-2016
Waat moogdje verwachte nao inschriêving?
Op zaoterdig 19 september gieët ‘ne deskundige zjurie aanne slaag met alle ingezonde lidjes en waere d’r 8 lidjes uutgekoeëze vör de finale op zoondig 15 november um 15.00 oor beej De Brouwer oppe Oelemêrrentj. Di-j lidjes waere dan begeledj doeër ’n live band tiedes ’t Wieerter Vastelaovend Lidjesfestival op zoondig 15 november beej De Brouwer.
Uut di-j 8 lidjes weurtj ’t winnendj Vastelaovendjlidje 2016 gekoeëze en dét weurtj, same met de nummer 2, opgenoeëme.
De geluidsbând van de 2 opgenoeëme lidje kriegdj de uutveurendje in gebroeëk vör eur eige live optrei-jes en gae kriegtj ’n podium tiedes de Vastelaovendjdaag beej diverse Vastelaovendj aktiviteite.
Waat noow te doon?
Eigelik és dét mér ein dînk. Laotj alles uut eur hang valle (behâlve eur pen) en aanne slaag vör ’t winnendje Vastelaovendjlidje 2016!!!
