 |
Jan Vaes en Peter Aquarius hebbe ’n vastelaovendjlidje geschrieëve det VV de Rogstaekers inne finale van ’t Wieërter Vastelaovendj Lidjesfestival hebbe gekoeëze. De finale és op zoondig 15 november um 15.00 oor beej kefee De Brouwer
Dit lidje weurtj gezônge doeër de Kernellies, oftewaal Karin van Geldorp en Marienel Engelen.
Vae hebbe ’n nôw demensie aan ’t lidje tôwgeveugdj nl. ’t fenomeen Spraekkoeër.
Um dit te kunne realisieëren hebbe ve neteurlik waal minse di-j in ’t spraekkoeër mei-j wille doon.
En daorum nuuëdige vae uch heej beej uut um mét te doon.
’t És allemaol hieël eenvoudig mer ’t mót waal sekuur uutgeveurdj waere . Daorum vraoge vae ’t volgendje van uch:
— Gae zeetj op zoondig 15 november zieëker nao de middig beschikbaar.
As det zoeë és:
— Gaeft asjebleef aan mich doeër op wafer daag tösse noow en 15 november dejje ’s-aovus effe kunt oeëfene.
— Dan laot ich weîte wi-j ’t allemaol wieter gieët. Vae hoeëpe um ein royaal beejdraag.
Alvast bedânktj.
Groete names de Kernellies, Peter Aquarius
