Rogstaekers Jeugdpreens, Marijn 1e uutgeroope

10 januari 2016

105 kopie

Foto: Loes Mennen Fotografie

408 Medaalie Jeugdprins-Marijn-2016

In ’n bomvôl Munttheater és zoondig 10 jannewari nao aafloûp van de Boonte Femiliemiddig, Marijn Nies uutgerope tot nówwe Jeugdpreens 2016 van Wieërt. Marijn és 12 jaar aod en zitj in groep 8 van de Montessorischool. De körsvörse Jeugdpreens és ‘ne zoeën van Paul Nies en Sandy Nies-Bocken. Same met zösterke Anne-Fleur en de twieë poeze, Coco & Chanel, woeëntj ‘t gezin op de St.Hubertusstraot 4 in Wieërt.

Hobbies hieët oeëze körsvörse Jeugdpreens Marijn 1e ouch, vingtj ’t feîn um schoeën dînger te bawwe met de Lego, teîkentj hae gaer, völ gamen en hockeyen. Hockey spuuëltj hae in de D2 van HV Wieërt en minstens drej kieër in de waek és hae dan ouch op ’t hockeyvéldj te vînge. Neteurlik és oeëze Jeugdpreens ouch gaer boete um met zien vrînde te spuuële en dan waat gekkigheid uut te hale.

Vastelaovendj hieët hae neet van ‘ne vrieëmdje, pap en mam zeen al mieër as 15 jaor lid van V.V. de Kauvers en vanaaf det Jeugdpreens Marijn geboeëre és, behuuerdj hae tot de  Kauverkids. Ouch luiptj Marijn 1e eder jaor mej in de Groeëte optocht als bordjesdrager beej V.V. De Kauvers en deut hae op maondjig mej aan de Wichteroptocht. Hae hieët zêlfs nog oeëts de 4-dje priês gewonne in de kategorie “kleine Gouwe Rog” met ‘ne zêlfgemaakdje drakekop.

As Jeugdpreens van de Rogstaekers kân hae neteurlik neet zónger adjedânte en dao hieët hae dan ouch ’n paar gewêldjige vrînde vör uutgekoeëze. Det zeen: Louis Arnaud de Calavon, Olivier Coenen en as eîngste maegtje Isa Peeters.

Umdet oeëze Jeugdpreens gek és van hockeyen en gaer met ‘t bélke oeëver ’t hockey-véldj flatsj,  hieët hae ingesteldj de:

“Orde van Flatsendje Fieëstnaas”.

As Jeugdpreens Marijn 1e wiltj hae de Wieërter Wichtervastelaovendj vuuërgaon onger zien devies:

“Vastelaovendj non-stop, Wieërter wichter vuuërop!!!”

 

Laesj wieter op de Jeugdpreens pagina

Kiektj ouch us beej:

10 maart 2022

Dit jaor hieët V.V. de Rogstaekers, same met înkel kepélle, ’n aantal minse in ’t zönneke moôge zétte. Um verschillendje rieëje kriêge dieës minse inne aanloup nao de vastelaovendj van 2022 ’n bezeûkske van ‘n…

Serenades, Óngerscheidinge en Bloôme

Lees meer

25 februari 2022

Op dieënsdig 1 mieërt zal Jeugdpreens Sjoerd I d’r toch echt aan mótte geluive. Naodet hieël wat hermeniekes en kepelle ’s middigs ongetwiêfeldj vör de noeëdige meziek hebbe gezörgdj és ’t um 19:11 oor zoeë…

Dieënsdig 1 mieërt: Abdicatie

Lees meer

17 februari 2022

Op maondjig 28 fibberwarie  tréktj d’r nao twieë jaor wieër ‘ne Wichteroptocht doeër de Wieërter binnestad. Vae roôpe alle Wieërter wichter op um nao de stad te kaome en mej te trékke in ‘ne boonte…

Maondjig 28-02: Wichteroptocht in binnestad

Lees meer
Mieër noets