 |
 |
 |
’t Hieët Ziêne Majesteit Kuuëning Willem-Alexander behaagdj um de hieër Theo Nouwen te beneûme tot Lid in de Orde van Oranje-Nassau.
Naeve zien jaorelange verdeênste vör de paroche van St. Martinus, ’t Wieërter Missie Thuisfront en de Fakkelestafette és Theo al sins 1988 aktief lid van V.V. de Rogstaekers.
In di-j 28 jaor woor hae lid vanne kemissie LOP (Lôl oppe Plênk), van 1993 wis 2008 woor hae Penningmeister, vanaaf 1993 és hae ouch lid van de Raod van Elluf. Sins 2002 és hae lid van de kemissie FOS (Fieëst Oppe Straot) en vanaaf 2008 ouch actief vör de Finansjeel Kemissie (FIK). Daonaeve verzörgtj hae al sins 2008 ’t adressebestând en postverwêrking. In 1996 en 2010 zoôt hae inne organisâsie vanne Gulden Humor en in 1998 woor hae actief vör de organisâsie van ’t LVK in Wieërt. Daonaeve stieët Theo altiêd klaor vör ânger kemissies binne oeës vereiniging.
Kortum ‘ne mins dae, dék oppe achtergrónd, van onschatbare waerd és vör de Wieërter gemeinschap en vastelaovendj in ’t algemein en V.V. de Rogstaekers in ’t bezûndjer!
’n Zieër dik verdeêndje erkinning woeë vae gruuëts op zeen!
Theo, ‘ne Dikke prefisiat!
