 |
Op de 11e vanne 11e hebbe vae wat noets: “Vorst Oppe Troeën”!
‘ne Fieëstelikke aovendj inne foyer van ’t Munttheater woeë vae ’t nówwe vastelaovendjsezoên gaon oeëpene, woeë vae de nówwe vastelaovendjschlager 2017 gaon prizzentieëre, woeë vae oeës nów lede vuuërstélle en woeë vae uch oppe huuëgdje brînge van nóg mieër vastelaovendj-noets.
Dét allemaol gegoeëte in ’n persiflage op de Troeënrede van oeëze kuuëning Willem-Alexander met Prinsjesdaag…
Vanaaf 20.00 oor zeejjae van hérte welkom. Um 20.30 oor zâl Vorst Jan tiêdes zien eige Troeënrede ‘t vastelaovendjsezoên met de noeëdige humor en protocol oeëpene en zoeë de aaftrap gaeve van ziêne aafscheidstoernee.
Mark en Wilhelmien zörge vör de zjuuste sfeer en gae moôgtj gratis en vör niks binne…
Vanwieëge de bepêrkdje ruuëmdje vraoge vae uch um eûr (gratis) entreekaertje te bestélle via www.munttheater.nl
Gaer wis de 11e vanne 11e!
