Aafscheid Vorst Jan tiêdes Lindeboom Fieëst oppe Mêrrentj

7 februari 2017

2015-LSUDM-ECF 123
2016-Fom-JvH_045

Vastelaovendj dieënsdig és ’t dan  toch echt zoeë wiêt.  Nao 23 jaor lidmaotschap en 11+1 jaor Vorst te zeen gewaesj van Stadsvastelaovendjvereîniging DE ROGSTAEKERS, hingtj Vorst Jan z’n möts vör altiêd aanne kapstok. Aan ’t indj van ’t Lindeboom Fieëst oppe Mêrrentj zal um klokslaâg 18.00 oor officieel ’n indj kaome aan e vastelaovendj tiêdpêrk.
’t Zal uch dudelik zeen det vae oeëze Vorst neet zoeë mer laote vertrékke. Daorum kriegtj eineder op dae vastelaovendj dieënsdig, tiêdes ’t Lindeboom Fieëst oppe Mêrrentj,  vanaaf 14.30 oor (neteurlik oppe Mêrrentj)  de kâns um oeëze Vorst te bedânke en de hând te schödde.  Umdet d’r e kómplieët (live) meziekprogramma drejtj mét ’n bössel artieste, és d’r gein gelaegenheid um ’t vôlk tow te spraeke. E persuuënlik wuuërdje aanne Vorst (dus soonger stumverstêrking J) kân neteurlik waal.

Ouch kujjae oeëze Vorst bedânke doeër ’n schoeën korte bedânkboeëdschap te “appe”  nao tillefoonnummer 06-86823880
Vae vraoge uch de app uuterlik vriêdig 24 (dus gae hebtj wat mieër tiêd) fibberwari tow te steure. Hajjae ’n leuke beejpassendje foto dan moog det ouch. hoof netuurlik neet.

Dieës  boeëdschap weurtj  dae dieënsdig dan op ’ne joekel van ’n tillevisieschêrm naeve ’t podium in bieëldj gebrachtj. ’t Zal dudelik zeen det vae de aafscheid nemendje Vorst wille verrasse mét zoeëvöl muuëgelik bedânkboeëdschappe.
Gae moogtj dus aan ’t wêrk.  De schoeënste 3 bedânkboeëdschappe valle vastelaovendj dieënsdig ouch nog inne priêze. D’r waere 3 VIP-vastelaovendj arrangemênte verdeildj vör ’t sezoên 2017-2018 zoeë dejje uch zelf ‘de Vorst te riêk’ gaotj veule.
De priêsuutreiking és op ’t indj van ’t Lindeboom Fieëst oppe Mêrrentj op vastelaovendj dieënsdig.

Vae hoeëpe uch vastelaovendj dieënsdig te zeen oppe Mêrrentj en wînse uch vör noow alvast ‘ne gooje vastelaovendj tow.

Vanaaf 14.00 oor startj dae dieënsdig 28 fibberwarie ‘t Lindeboom Fieëst oppe Mêrrentj met ‘n hieël rits aan artieste.
Zoeë zeen dao:

  • Ed & Frans
  • Ronald & Carien
  • Björn Wiermans
  • Om in te lieëste uut Naer
  • Sieke & de Bubs uut Heur
  • Marleen Rutten uut Hunsel
  • Mark & Willemien
  • Ton & Monique van Plat Wieërs
  • Björn van Berkel uut Grubbevorst
  • Toeter Thijs
  • Patrick Hendrikx Aod LVK winnaar La Bamba

De meutje waerd um eur Vastelaovendjpékske aan te trekke en op Vasteaovendj dieënsdig richting de Mêrrentj te kaome.

Gein kompetisie vör de Knauwelpriês tiêdes Lindeboom Fieëst oppe Mêrrentj.
I.v.m. ‘t aafscheid van oeëze Vorst Jan zal d’r dit jaor gein kompetisie zeen tösse al di-j ludieke knauwelgezelschappe.
Dit jaor gieët de volle aandacht uut nao ‘t aafscheid van oeëze Vorst oppe Mêrrentj en det zooj beteikene det dieës kompetisie dan neet de aandacht kriegtj di-j ‘t vördeentj.
Vandao det de Rogstaekers d’r vör gekoeëze hebbe um 1 jaor oeëver te slaon.

 

Kiektj ouch us beej:

22 februari 2019

  Di 15:00 – 15:20 Don Kiesjot      

Lindeboom Fieëst oppe Dieënsdig

Lees meer

22 februari 2019

Ma 14:45 – 18:30 Hosmiddig met Henk van The Deejays      

Fieëst oppe Maondjig

Lees meer

22 februari 2019

Zo 15:00 – 16:00 The Deejays (DJ Stijn)      

Fieëst oppe Zoondig

Lees meer
Mieër noets