Gae kintj Vorst Jan bedânke

7 februari 2017

Béste vastelaovendj vreende,

Vastelaovendj dieënsdig és ’t dan  toch echt zoeë wiêt.  Nao 23 jaor lidmaotschap en 11+1 jaor Vorst te zeen gewaesj van Stadsvastelaovendjvereîniging DE ROGSTAEKERS, hingtj Vorst Jan z’n möts vör altiêd aanne kapstok. Aan ’t indj van ’t Lindeboom Fieëst oppe Mêrrentj zal um klokslaâg 18.00 oor officieel ’n indj kaome aan e vastelaovendj tiêdpêrk.

’t Zal uch dudelik zeen det vae oeëze Vorst neet zoeë mer laote vertrékke. Daorum kriegtj eineder op dae vastelaovendj dieënsdig, tiêdes ’t Lindeboom Fieëst oppe Mêrrentj,  vanaaf 14.30 oor (neteurlik oppe Mêrrentj)  de kâns um oeëze Vorst te bedânke en de hând te schödde.  Umdet d’r e kómplieët (live) meziekprogramma drejtj mét ’n bössel artieste, és d’r gein gelaegenheid um ’t vôlk tow te spraeke. E persuuënlik wuuërdje aanne Vorst (dus soonger stumverstêrking J) kân neteurlik waal.

Ouch kujjae oeëze Vorst bedânke doeër ’n schoeën vastelaovendjfoto mét bedânkboeëdschap te “appe”  nao tillefoonnummer 06-86823880
Vae vraoge uch de app uuterlik zoondig 19 fibberwari tow te steure.

Dieës  boeëdschap weurtj  dae dieënsdig dan op ’ne joekel van ’n tillevisieschêrm naeve ’t podium in bieëldj gebrachtj. ’t Zal dudelik zeen det vae de aafscheid nemendje Vorst wille verrasse mét zoeëvöl muuëgelik bedânkboeëdschappe.

Gae moogtj dus aan ’t wêrk.  De schoeënste 3 bedânkboeëdschappe valle vastelaovendj dieënsdig ouch nog inne priêze. D’r waere 3 VIP-vastelaovendj arrangemênte verdeildj vör ’t sezoên 2017-2018 zoeë dejje uch zelf ‘de Vorst te riêk’ gaotj veule. De priêsuutreiking és op ’t indj van ’t Lindeboom Fieëst oppe Mêrrentj op vastelaovendj dieënsdig.

Vae hoeëpe uch vastelaovendj dieënsdig te zeen oppe Mêrrentj en wînse uch vör noow alvast ‘ne gooje vastelaovendj tow.

 

wertz 063
wertz 079
2016-ResepsiePreense_003
2017-lintje-vorst-jan_027

Tags: -

Kiektj ouch us beej:

12 februari 2022

Vastelaovendjgezét ‘De Rogstèker’ és verschieëne! De ingeschrieëve Rogstaekers® hebbe de now vastelaovendjgezét same mét det schoeën pinke intösse thoêsbezörrigdj gekriêge. Binnekort véltj dit ‘fieëstje op pepeer’ ouch beej uch inne bös. Móchdjae ze neet ontvânge…

Vastelaovendjgezét 2022 és uut!

Lees meer

12 februari 2022

De Rogstaekers prizzentieërte de Wieërter vastelaovendjpuzzel De Wieërter vastelaovendjpuzzel és ‘n fieëstelike uutdaging vör joonk en aod, puzzelaars en vastelaovendjveerders. Met 1000 stökskes maakdje thoês eur eige vastelaovendjfieëst oppe Mêrrentj in Wieërt. Zieër bepêrkdje oplaag…

Wieërter Vastelaovendjpuzzel

Lees meer

25 oktober 2021

UPDATE 04-11-2021 Stadsvastelaovendjvereîniging de Rogstaekers stéltj uutrooping nowwe Vorst uut. De droûm vanne vastelaovendj blieftj, mer vanwieëge de oploupendje coronaciêfers zölle de planne di-j gemaaktj zeen vör de oeëpening van de Wieërter vastelaovendj tot nader…

Uutrooping nowwe Vorst uutgestéldj

Lees meer
Mieër noets