KnuffelRog ouch vör groeëte minse

29 september 2017

2017-09-LenKouters

Tiedes en nao 't Cultureel Lint hebbe vae leuke reacties ontvânge oppe nowwe KnuffelRog. Det kriêge namelik wichter deej doeër eur aojers as Rogstaeker® waere ingeschriêve. De reacties van di-j wichter kûjje uch wul vuuërstelle, mèr dao woore ouch reacties van volwassene di-j zoeë 'ne KnuffelRog gaer wille hebbe. Dao wille vae gaer aan tieëgemood kaome, mèr alleîn as deej volwassene zeen ingeschriêve of van plan zeen um det te gaon doon. De KnuffelRog és vör eur te koup vör € 8,50. Inschriêve dooje beej "Ich bin 'ne Rogstaeker®".  Vermeldj dao dan ouch dêjje de KnuffelRog wiltj koupe. (Neet alleîn beej Volwassene eur gegaeves invûlle, mer ouch beej Wécht  ut vèkske beej KnuffelRog aankruuëse en de kluuërcode aangaeve, want ze zeen d'r in verschillendje kluuëre!) Zeeje al ingeschriêve, steurtj dan 'n mailtje nao de sikretaris van de PR-kemissie met dieës gegaeves. De leevertiêd vanne KnuffelRog és e paar daag en gae kriegtj bericht asze klaor és. 


Tags:

Kiektj ouch us beej:

9 november 2020

  Vanaaf de 11e vanne 11e 2020 és ’t fónkelnow Ich bin ‘ne Rogstaeker® pinke verkriêgbaar vör ingeschriêve Rogstaekers®. Edere Wieërtenaar és as Rogstaeker geboeëre of ‘t gewoeëre, mer ingeschriêve Rogstaekers® hebbe ’n streepke vuuër….

Pinke “Ich bin ‘ne Rogstaeker®” 2021 geprizzentieërdj

Lees meer

17 september 2020

Eder jaor ontwêrptj ‘ne ângere creatieve Wieërtenaar de schoeën “Ich bin ‘ne Rogstaeker®” pinkes en de Stiepelmedalies. Gruuëts prizzentieëre vae ’t creatief talênt det vör ’t sezoen 2020-2021 dieës gewildje verseersele gieët ontwêrpe: Nelleke Bongers….

Nelleke Bongers ontwêrptj now pinke

Lees meer

13 november 2019

  Gruuëts prizzentieëre vae ’t “Ich bin ‘ne Rogstaeker®” pinke vör ’t sezoen 2019-2020. ’t Nowwe pinke és ontwôrpe doeër Linda Jacobs van Atelier Linda en uutgewêrktj doeër Hans Moonen van ‘aan15’. De onthulling és…

Now ontwêrp pinke “Ich bin ‘ne Rogstaeker®

Lees meer
Mieër noets