Spuuëlerke van de waek 4

14 december 2017

2017BAMarcOpTRoodt

Un now rubriek inne aanloûp nao de Boonte Aovendje: ut Spuuëlerke van de waek.
In de veerdje aaflevering eigelik gein spuuëlerke, mer 'ne trainer: Marc Op 't Roodt.

Naam: Marc Op 't Roodt
Beejnaam: de Steûmp, Sjarel, Trâiner
Laeftiêd: ligtj d’r aan weem ‘t vrugtj, mieëstâl tösse de 28-35 jaor
Wêrk: beej de bânk, verkoûp lieëninge vor ‘n now hoës
Woeënplaats: vanaaf gaestere inne stad!
Hobby's: foetbaltrainert van MMC3 (’t têrtj)
Relatie: mét Anouk

Vraog van vuuërige waek van Rob:
Woeërum hejje mich 3 jaor trök vuuër aanvang vanne BA vanne fiets gerieëje? Waasje wieër zjeloers op mien typetjes en rolle inne Boonte Aovendje? Ten ieërste moogdjae mèr 1 vraog stelle. Ten twieëdje: gae waasj zelf neet handsfree aan ‘t belle, dus eige schuiltj! Dikke builtj! (op eure kop)

Weejvöl jaor doojae al mét:
Dit weurtj mien 7e jaor inne stad. 3 Jaor beej de Vêrkusköp

Rol binne de groep:
Tekstschriêver, moeëlemaker en dék as léste nao hoês!

Weej zeeje beej de Boonte Aovendj gekaome: (korte versie) vae haaje Preensuutrooping inne voetbalkantine op MMC. De vorst Ruud M. goof mich de microfoon wi-j de Rogstaekers mét de hieël dillegasie (Preens Henk Moeënen) binnekwoom. Vae zoote mét mèr 10 mân aane bar en de Rogstaekers waas met ‘n mân of 30 + kepêl. Ich heb ‘n oor motte kalle wi-j brugman, um ze inne kantien te haoje mét hieëlemaol niks! Gein vôlk en zoonger artieste. De daag daonao ging ich nao de Herresitzung en mos ich melde beej de Rogstaekers. Vanaaf det memênt, waas ich BA artiest!! Dusssss!

Vae huuëre det sommige tekste, de Boonte Aovendj neet haale umdet ze te groeëf zeen. Woeë ligtj heej volgens uch, de grens?
Tussen Rooj en Molebieërsel, net achter Hense Koeëb.

Waat és eur favoriete BA sketch oeëts ?
Knoëfke (van Ton Adriaens) middelgroeët in ‘n fieëstverpakking mét ‘ne groeëte strik d’r um!

Welk stök és ‘t schoeënste woeë dejje zelf in gespuuëltj heitj?
Facebook: allein oppe Buhne en improvisieëre. det stök waas zoonger vaste tekst en ging edere aovendj ângers. Ich wist vuuërdet ich op kwaom neet waat de mînse trök zoeëje zègke!

Weem weurtj Preens: Preens Pier II (allein det wetj hae zelf nog neet) en Rob Jongen want dae hieët zich verkaltj.

Woeërum motte de mînse dit jaor nao de Boonte Aovendj kaome kieke: mot niks! Mèr kotj gewoeën kieke, vae staeke d’r hertstikke völ tiêd en energie in en doon ‘t ouch vör de lôl en flawwekûl, vör alle mînse van Wieërt.

Waat es eur vaste ritueel 5 min vuuër aanvang? Jupilerke en nao de dames-wc .

Vör mich és vastelaovendj? De Boonte Aovendj inne stad! 10 daag vreej en dan gaon zoeëpe inne stad.

Aan weem wildjae de volgendje waek ‘n vraog stelle en waat és de vraog? Aan Brenda.
Hoi Brenda. Vingse ‘t neet jaomer desse neet in ‘t WTV Magazine hes gestânge as vrâw vanne Preens?


Tags: -

Kiektj ouch us beej:

15 januari 2022

Rogstaekers trékke conclusie oeëver Vastelaovendj 2022 Ondânks alle onzieëkerheid hebbe vae allemaol lang gehoeëptj um in ’t vastelaovendjsezoen 2021-2022 ’t laeve weer te kunne veere. Mer in november hieët Stadsvastelaovendjvereîniging de Rogstaekers al de uutroping…

Aangepaszje Vastelaovendj 2022

Lees meer

29 oktober 2020

  As gevolg vanne aangeschêrpdje Coronamaotregele wurtj ‘t vastelaovendjsezoen van 2020-2021 in Wieërt nog wieter uutgeklédj. Begin oktoeëber maakdje Stadsvastelaovendjvereîniging De Rogstaekers bekindj dét alle groeëte, traditionieël evenemênte ‘t kaomendj sezoen neet doeër zölle gaon….

Rogstaekers schale vastelaovendjsezoen nog wieter aaf

Lees meer

2 oktober 2020

‘t Veûr mót bliêve börre: Waal Stadspreense in Wieërt, echter gein traditionieël activiteite Noow Corona de wéreldj in z’n greep hieët, és de Vastelaovendj wi-j vae gewindj zeen um dae te veêre zieëker neet realistisch….

Knouwel en plezeer, op ’n ânger meneer

Lees meer
Mieër noets