Zoek
Sluit dit zoekvak.
Zoek
Sluit dit zoekvak.

Zilveren Buut vör Mark Fonteijn

16-01-2018
180115-SLV-ZilverBuut-Jan&Mark_3

Tiêdes de Boonte Aovendj van maondjig 15 jannewari bracht ’n delegatie van ’t besteur vanne Samewirkende Limburgse Vastelaovesvereininge ’n bezeûk aan oeës Rogstaekersstédje.
Wannieër dieës hieëre ten tonieële kaome, beteîkentj dit det ze wat schoeëns mej gebrachtj hebbe.

De óngerscheiding ‘Zilveren Buut’ haaje ze beej zich vör Mark Fonteijn. Mark dae sinds ’t begin vanne jaore nuuëgentjig op muzikaal gebeêd betrókke és beej de Wieërter vastelaovendj hieët dieës hoeëg óngerscheiding zieëker verdeêndj!
Hae schreêf en vertôlkdje meînig vastelaovendjschlager, van ‘Boem… Paaf’ tot ‘Os theater van de vastelaovendj’. Mark és koeërleider van ’t kêrkkoeër tiêdes de vastelaovendjmés en woor ‘ne kértrekker tiêdes de vastelaovendjproms-konsérte o.a. beej gelaegenheid van de ‘Gulden Humor’ in 2010. Same met zien leêf vraw Willemien vôrmtj Mark ’n völ gevraogdj duo in en wiêt boête ’t Wieërterlând, woor hae muzikânt van ‘Plat Wieërs’, haaj ’n hoeëfdrol as militair in ‘Rogstaekers De Legende’ en stimulieërtj zien wichter Stef en Lieke um meziek te make én vastelaovendj te veêre.