UPDATE: “Vör eîne kieër Preens” gieët NEET doeër!

26 augustus 2018

logo_cultureellint2

UPDATE:
Vanwege de slechte waersvuuërspellinge trekke de Rogstaekers zich dit jaor trök as daelnemers aan ‘t Cultureel Lint. Vuuërâl vör de minse di-j zich boeëve op oeëze wage vör eîne kieër Preens zoude wille veûle, zou dit gein leuke ervaring zeen. Hoeëpelik volgendj jaor inne herhaling. Wis dan!

 

In de Wieërter binnestad weurtj op (koup)zoondig 23 september vör de zieëvendje kieër ’t Cultureel Lint gehaoje.

Tiedes dieëze start van ’t nowwe culturele sezoen zulle ouch de Rogstaekers weer aanwieëzig zeen en waal oppe Nowwe Mèrrentj.

 

 

Vör eîne kieër Preens180211-GroeeteOPtocht_324
D’r weurtj eder jaor mèr eîne persoeën Preens of Jeugdpreens, mèr d’r zeen d’r hieël völ deej ’t ontieëgelik gaer zoeëje wille waere. Tiedes ’t Cultureel Lint kriegdje efkes di-j muuëgelikheid. Vae doon uch de mântel um en zette uch de staek op. Gae klumtj inne optochtwage en kuntj van dao uut zeen waat de Preens en Jeugdpreens tiedes de jaorlikse Groeëte Rogstaekersoptocht zeen. Gewoeën uch efkes Preens of Jeugdpreens veule. Kotj daorum nao de Nowwe Mêrrentj, vae staon d’r mét ’n schoeëne optochtwage.

Preens raoje
En as dejje dao boeëve op dae wage hetj gestânge, dan kujje ouch nog kâns make op gratis kaartjes vör de Boonte Aovendj of Boonte Femiêlie Middig. ’t És nog waal wiêt e wègk, mèr det guftj uch de tiêd um lekker lang nao te dînke oeëver weem de Preens en Jeugdpreens zoeëje kunne gaon waere. Det raoje gebuuërtj al eder jaor en dit jaor make minse di-j ’t good hebbe geraoje kâns op twieë kaartjes vör de Boonte Aovendj op goonsdig 6 fibberwarie (Preens) en veer kaartjes vör de Boonte Femiêliemiddig op zaoterdig 9 fiberwarie (Jeugdpreens). De winnaars van dieëze wedstriêd waere nao de uutrooping vanne Jeugdpreens op zoondig 3 fibberwarie 2019 bekindj gemaaktj. ’n Daelnameformeleer kujje aan optochtwage invölle of ouch heej op dieës website.

Tiedes ’t Cultureel Lint kujje uch ouch inschrieëve vör “Ich bin ‘ne Rogstaeker®”. En mogt eure zoeën of eur dochter zin hebbe um beej de Jeugdraod of Huppelpupkes te kaome, dan kân dao ’n interesseformeleer vör waere ingevöldj.


Tags: - - - -

Kiektj ouch us beej:

1 september 2019

  Weem weurtj ’t? Eder jaor braeke zich  ‘ne hieële houp minse de hersens oeëver de vraog: “Weem weurtj ‘t?” Weem moog straks uut hâng vanne Opper Opper Rogstaeker de sluuëtel in ontvangst neme en…

Preens raoje! (beej Cultureel Lint)

Lees meer

23 augustus 2019

Eder jaor ontwêrptj ‘ne ângere creatieve Wieërtenaar de schoeën Stiêpelmedalies en pinkes vör “Ich bin ‘ne Rogstaeker®”. Gruuëts prizzentieëre vae ‘t creatief talênt det vör ’t sezoen 2019-2020 dieës gewildje verseêrsele gieët ontwêrpe: Linda Jacobs….

Linda Jacobs ontwêrptj now Stiêpelmedalie

Lees meer

6 maart 2019

Aafscheid neme deut pien en as ‘t nao ‘t îndj gieët, kaome de emoties nao boeëve en deêne de waterlanders zich aan. Det huuërtj d’r beej. Vreugde mét de kinteîkene van verdreet én ‘t verdreet…

Trök nae ‘t laeve van alledaag . . .

Lees meer
Mieër noets